O populares denuncian a inoperancia do bipartito ante as necesidades do rural
O PP de Mondoñedo advirte que a deixadez de funcións do goberno local pode chegar a poñer en perigo a seguridade dos veciños de Vilamor
Os veciños de Vilamor demandan o tapiado dun sumidoiro aberto dende fai anos, co conseguinte risco que pode carrexar para os transeúntes da zona
Os populares tamén se fan eco da necesidade de sinalización adecuada dun cruce de cinco camiños de titularidade municipal na mesma parroquia
Mondoñedo, 16 de outubro de 2012- O Partido Popular de Mondoñedo advirte unha vez máis que a deixadez de funcións do goberno local pode chegar a poñer en perigo a seguridade dos veciños da parroquia de Vilamor. Os populares esíxenlle ao rexedor municipal que cumpra coa súa responsabilidade e atenda ás demandas trasladadas polos mindonienses.
Os veciños da parroquia de Vilamor levan tempo solicitando o tapiado dun sumidoiro aberto dende fai anos, dada a perigosidade que entraña para os transeúntes da zona. A falta de resposta por parte do goberno local incluso obrigou aos propios veciños a ter que sinalizar o sumidoiro cuxa tapa leva rota anos para evitar posibles accidentes.
Así mesmo, a desatención coa parroquia de Vilamor tamén se pon de manifesto na falta de sinalización vial nun cruce de cinco camiños de titularidade municipal moi transitado. Segundo trasladaron aos populares, os veciños esixiron en numerosas ocasións a dotación de sinais nesta intersección dada a peculiaridade do cruce no que conflúen cinco estradas, incrementando a posibilidade de colisión debido a carencia de indicacións.
O PP local teme que o PSOE e o BNG non leven a cabo as actuacións pertinentes ata que non ocorra unha desgracia persoal. Os populares lamentan a falta de responsabilidade coa que o rexedor mindoniense está a tratar estes temas, despriorizando as necesidades do rural.
O Grupo Popular de Mondoñedo critica a reincidencia de Orlando González e o seu goberno no pasotismo ante as necesidades de conservación das infraestruturas do rural mindoniense de titularidade municipal.
Unha vez máis e moi ao pesar do Partido Popular, o rural volve a ser o gran esquecido do goberno bipartito, que pese a requirir actuacións de baixo presuposto que mellorarían notablemente a calidade de vida dos veciños, estes acometidos non se executan.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
