MARIO COTO ASEGURA QUE SE PRESENTA Á REELECCIÓN PARA REMATAR OS PROXECTOS INICIADOS NO MANDATO 2009/12.
Ribadeo, 9 de outubro de 2012. O presidente do Real Club Náutico de Ribadeo, Mario Coto, asegura que se presenta á reelección porque ten gañas de rematar os proxectos iniciados no mandato 2009/2012 e insiste en que o RCNR é imparable.
Coto explicou que “neste ano tocan as eleccións para elexir á nova directiva do Real Club Náutico de Ribadeo e estamos en prazo máis que sobrado porque esto podíase facer ata finais de ano, incluso as anteriores eleccións retrasáranse ata finais de xaneiro. Pero a xunta directiva actual non quere esperar ata esas datas, queremos facelo con anticipación, con claridade e transparencia, sin ningunha duda”.
O presidente do Real Club Náutico de Ribadeo contou que “por iso decidimos convocar asamblea extraordinaria de socios para o día 19 deste mes cos puntos do orden do día que son: lectura e aprobación da acta da asamblea anterior e convocar xa as eleccións para elexir aí a comisión electoral e ao resto dos membros para darlle forma segundo os estatutos de cara ás candidaturas que se queiran presentar. Calquera socio pode formular unha directiva e debe adaptarse ao que a comisión electoral diga, porque a xunta directiva a partir do momento que estea nomeada a comisión electoral estaremos en funcións para seguir rexindo o Real Club Náutico ata a celebración das eleccións”.
Mario Coto xa anunciou hai uns días a súa intención de presentarse á reelección, “eu decidín presentarme a reelección para a presidencia do Real Club Náutico de Ribadeo porque estou a gusto, teño gañas de continuar con proxectos que hai preparados para seguir adiante. Este clube agora mesmo é imparable e hai que forzar a máquina para seguir consolidando o resto dos proxectos que están en marcha, que son moitos, e cun futuro grandísimo e amplísimo para o clube e que redundan en todo o pobo de Ribadeo”.
Informe de xestión
O Real Club Náutico de Ribadeo acaba de editar un boletín informativo no que fai a directiva fai balance da xestión do seu mandato 2009/12, “nese boletín contamos bastantes cousas das que fixemos esta directiva ao longo destes casi 4 anos de traballo. Teríamos que ser máis extensos nese boletín porque hai máis cousas, pero son pinceladas do que fixemos. Queríamos transmitirlle aos socios, porque moitas veces non é palpable o que se fai, nesta publicación un extracto daquelas cousas que se fixeron para que as valoren. Creo que en moitos casos a impresión será positiva aínda que tamén pode haber alguén que non lle dea o valor que ten este traballo, que con todo agrado e esforzo a xunta directiva fixo para elaborar esa revista onde dicimos as cousiñas que fixemos”.
Mario Coto lembrou que “a anterior directiva tamén mandara un tríptico, un pequeno folleto, explicando as cousas. Eu creo que é bon que as directivas fagan chegar aos socios as cousas que se fan e ese foi o motivo de mandar esa revista a todos e cada un dos socios”. En total editáronse 1.000 exemplares do informe de xestión 2009/12.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
