O traumatólogo José Antonio López Rodríguez atende o meta Edu
A CLÍNICA VIRXE DA MARIÑA AVALIA A ÓPTIMA RECUPERACIÓN DE EDU
O meta e co-capitán do Burela FS Pescados Rubén, Edu, realizou onte na clínica Virxe da Mariña a súa primeira revisión, con excelentes noticias, tras a intervención de menisco á que foi sometido o luns pasado no Policlínico Lucense SA. Despois de que a cirurxía descubrira unha lesión menor da esperada, tan só no corno do menisco interno, os primeiros exames revelaron ademais unha recuperación óptima do porteiro tanto en flexión coma en exercicios isométricos.
Edu podería volver ás pistas nun prazo de 5 semanas. O traumatólogo, José Antonio López Rodríguez, xa lle permitiu apoiar a perna e, se todo segue ben, poderá comezar coa rehabilitación a finais da próxima semana, despois da segunda revisión.
Convenio de colaboración
A Virxe da Mariña, que xa supervisa a saúde dos equipos sénior laranxas dende pretempada, vén de formalizar a continuidade do convenio de colaboración co CD Burela FS Pescados Rubén en 2012-13, no que constituirá o sétimo exercicio de traballo conxunto entre ambas as entidades.
Baixo a xerencia de Mª. Esther García Insua, o centro médico-cirúrxico (Arcadio Pardiñas, número 145, Burela) dispón das especialidades de medicina xeral, enfermería, traumatoloxía e cirurxía ortopédica, dermatoloxía, xinecoloxía, otorrinolaringoloxía, psiquiatría, logopedia, fisioterapia, oftalmoloxía, radioloxía e alergoloxía. A clínica completa as súas consultas cun gabinete psicotécnico (permisos de conducir, de armas, de animais perigosos, patrón de embarcacións, motos acuáticas, mergullo…); tratamentos dermoestéticos e antienvellecemento (bótox, peeling, láser, luz pulsada, eliminación de manchas…), así como láser médico.
Entre os seus servizos, salienta o exitoso Gabinete de Nutrición (adelgazamento, dietas, educación alimentaria…), con excelentes resultados para conseguir un peso ideal e mellorar a saúde reducindo o risco de patoloxías como o colesterol ou a diabetes. Tamén ofrece o Igualatorio Médico, iniciativa de asistencia integral con facultativos altamente cualificados á disposición dos interesados en asociarse á Virxe da Mariña, a prezos moi económicos.
Juanma
O outro piar da capitanía laranxa, Juanma, tamén foi intervido con éxito esta mañá no Hospital Modelo da Coruña. O neurocirurxián Manuel García Fantini dirixiu a operación para eliminar a hernia de disco que mantiña ao xogador afastado das pistas dende setembro.
FOTO: Edu, á entrada da Virxe da Mariña, xunto a Esther García Insua, xerente, e José Antonio López, traumatólogo
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
