Unifoz, ten que manifestar unha vez máis a forma de gobernar do Sr Alcalde de Foz, pola súa prepotencia e persecución que aplica a algúns hostaleiros de Foz.
En días pasado puidemos comprobar como o que Unifoz denunciou fai un tempo é a dura realidade, pois ao mencionado hostaleiro chegoulle unha comunicación do Concello con dúas sancións ,unha de 150 € e outra de 175 €, por ter a beirarrúa sucia, segundo di a denuncia por incumprimento da ordenanza:
CAPÍTULO II
Da sucidade na vía pública a consecuencia de obras e actividades diversas
Artigo 10.-
1. Todas as actividades que poidan ocasionar sucidade na vía pública, calquera
que sexa o lugar en que se desenvolva, e sen prexuízo das licenzas ou autorizacións que en cada caso sexan procedentes, esixen dos seus titulares a obriga de adoptar as medidas necesarias para evitar que se ensucíe a vía pública, así como a de limpar coa frecuencia axeitada a parte afectada desta, e retirar os materiais residuais resultantes.
E tamén por incumprimento da ordenanza :
982.14 16 00
TÍTULO III
DA LIMPEZA DA CIDADE EN CANTO AO USO COMÚN ESPECIAL E PRIVATIVO E
AS MANIFESTACIÓNS PÚBLICAS NA RÚA
CAPÍTULO I
Condicións xerais e ámbito de aplicación
Artigo 33.-
A sucidade da vía pública producida como consecuencia do uso común e privativo, será responsabilidade dos seus titulares.
Ante esta inxusta e inxustificada situación Unifoz , ten que denunciar a persecución do Sr Alcalde contra este hostaleiro , pois ao marxe de que a beirarrúa poidera estar sucia en ese momento puntual non é menos certo que isto suceda en outros lugares, e non é de recibo que polo mesmo feito pretenda sancionar doblemente, todo isto unha clara discriminación e persecución de este local fronte ao 90% do resto dos locais similares.
Ao marxe de todo o exposto ,Unifoz, pregúntalle ao Sr Alcalde :
-É este o único local de Foz, que incumpre por estes apartados?
-É esta a única beirarrúa que está sucia en todo Foz?
-É este o único informe que fixo a Policía Local?
-Aplicase as mesmas formulas , ante os informes da Policía Local?
-Na época do verán e nas noites de Foz, todas as beirarrúas está limpas?
-Cumpre o propio Concello o seu cometido de limpeza de parques, xardíns, rúas……?
E todo isto pasa en Foz, mentres o propio PP de Foz, co sr Alcalde ao frete incumpre a ordenanza de publicidade exterior cun cartel fronte a Casa da Cultura dende as pasadas eleccións municipais (ano 2011), e sen que ninguén aplicara ningunha sanción nin se fixeran informes oportunos, aínda que a ordenanza é clara:
Considéranse infraccións graves:
a) A instalación de soportes publicitarios sen licenza municipal ou sen axustarse ás súas condicións.
Unha vez máis a prepotencia e chulería do Sr Castiñeira non lle deixa ver , e emprega esta formula para perseguir aos que non opina como el, ou non lle dan a razón.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
