BOTA A ANDAR “TEMPOS”, O PROGRAMA DE DINAMIZACIÓN SOCIAL NO MEDIO RURAL DA VICEPRESIDENCIA DA DEPUTACIÓN
Este programa baséase na realización de actividades grupais para mellorar as relacións sociais no medio rural e en grupos de posíbel exclusión social e capacidades diferentes
Está aberto o período de solicitude até o para concellos menores de 5.000 habitantes1 e asociacións lucenses, a quen se lle disporá un monitor/a gratuíto para levar a cabo estas actuacións, até o 15 de novembro
Lugo, 8 de novembro de 2012. Unha nova edición do programa “Tempos” botará a andar a partir da semana que vén. Este programa integral de dinamización social a través do Benestar Social e o Deporte no medio rural mantén actualmente aberto o prazo de recepción de solicitudes por parte de concellos menores de 5.000 habitantes2 e de asociacións para que poidan solicitar unha acción deste programa.
Este programa “Tempos” baséase na realización de actividades grupais para mellorar as relacións sociais no medio rural e en grupos de posíbel exclusión social e capacidades diferentes, para o que a Área de Benestar Social e Deporte da Deputación, a través da Fundación BALOGAL, disporá de monitores que realizarán estas actividades de xeito gratuíto para aquelas asociacións e concellos que resulten beneficiados.
Desde a Área de Benestar Social e Deporte da Deputación xa se lle enviou unha carta a todas as asociacións e concellos lucenses informándoos da posibilidade de solicitar este programa e coa instancia correspondente a presentar, e tamén se pon a dispor o número de teléfono 982 260 149 para calquera dúbida.
Este programa vai destinado ás persoas maiores, dependentes, e nenos e nenas das zonas rurais para reducir a fenda da desigualdade fronte ás zonas urbanas, levando a cabo accións de dinamización social que afonden no benestar das persoas, contribuíndo para logralo a que se faga efectivo o principio de igualdade de oportunidades para todas as persoas, a participación da muller, da terceira idade, dos nenos e nenas e das persoas con discapacidade. Nesta liña, este plan pode verse como unha continuación ou aprofundamento do programa xa levado a cabo “Todos a Xogar”, que se avaliou de xeito extraordinario xa que conseguiu acadar todos os obxectivos que perseguía, chegando a cada recuncho dos nosos pobos e vilas para promover a actividade física e a socialización da nosa xente.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
