A BASE LARANXA EXHÍBESE EN BURELA
As categorías de base do CD Burela FS Pescados Rubén exhibiranse esta fin de semana na casa. Dos sete encontros que figuran na axenda das promesas laranxas, cinco serán entre Vista Alegre e Monte Castelo.
O sábado, coa bomboneira como gran testemuño, abrirán a xornada en amigable os benxamíns e alevíns e pola tarde, ás 16.00 horas, os cadetes recibirán o CD Beade, en Autonómica.
O domingo tamén haberá un combinado de compromisos oficiais e oficiosos. Comezarán os infantís e alevíns, ás 10.00, no Monte Castelo; unha hora despois, en Vista Alegre, a Liga Nacional Xuvenil enfrontará os burelistas co Cidade de Narón e, como peche, o equipo infantil de Autonómica medirase ao Troula FS, ás 13.00.
Das dúas citas a domicilio, os cadetes quedarán na Mariña para medirse ao Ribadeo FS, o sábado (12.00 horas), e os xuvenís de Autonómica visitarán a pista coruñesa do Hércules FS, o domingo, ás 10.30 horas.
Liga Nacional Xuvenil
Burela FS-Cidade de Narón
Domingo 11 de novembro, ás 11.00 horas, no pavillón Vista Alegre de Burela
Liga Autonómica Xuvenil
Hércules FS-Burela FS
Domingo 11 de novembro, ás 10.30 horas, no pavillón Sagrada Familia da Coruña
Liga Autonómica Cadete
Burela FS-CD Beade
Sábado 10 de novembro, ás 16.00 horas, no pavillón Vista Alegre de Burela
Liga Autonómica Infantil
ED EON Burela FS-Troula FS
Domingo 11 de novembro, ás 13.00 horas, no pavillón Vista Alegre de Burela
Amigables
Ribadeo FS Cadete-Burela FS Cadete B
Sábado 10 de novembro, ás 12.00 horas, no pavillón municipal de Ribadeo
ED EON Burela FS Infantil B-ED EON Burela FS Alevín A
Domingo 11 de novembro, ás 10.00 horas, no pavillón Monte Castelo de Burela
ED EON Burela FS Benxamín-ED EON Burela FS Alevín B
Sábado 10 de novembro, ás 12.00 horas, no pavillón Vista Alegre de Burela
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
