BURELA
O Concello acolleu diversos actos esta mañá con motivo da celebración do día internacional para a eliminación da violencia de xénero. O primeiro foi a colocación na fachada do Concello dunha pancarta conmemorativa, despois presentóuse o III Plan para a Igualdade de Oportunidades entre Mulleres e Homes do Concello de Burela e tamén se deu a coñcer a asociación Mulleres en Igualdade de Burela. O salón de plenos acolleu a entrega do VI Concurso de Microrrelatos e do II Concurso de Lemas. As gañadoras dos microrrelatos foron Amara Chao Durán (na categoría de menores de 18 anos) e Gloria Suárez García (na categoría de maiores de 18). E a gañadora do concurso de lema foi Estefanía Castro González. O seu lema Por min, por vós, por ti. Loita será o empregado polo Concello na campaña para a eliminación da violencia da xénero do vindeiro ano.
Despois Elena Valle García, gañadora do premio provincial convocado polo colectivo Mujeres Entretejidas, asociación que promove a igualdade de xénero, deu lectura ao seu traballo. A xornada rematou coa lectura dun manifesto a cargo do alcalde, José Mª González Barcia, que presidiu todos estes actos acompañado pola concelleira de Servizos Sociais, Diana Durán.
BARREIROS
Durante a xornada da mañá os alumnos do 1º e 2º ciclo de Primaria dos CEIP San Cosme de Barreiros e CEIP San Miguel de Reinante asistiros aos talleres para a prevención da violencia de xénero. As actividades consistiron na visualización dun conto e na explicación do concepto de violencia de xénero; seguidamente elaboraron un debuxo contra esta lacra social. Ditos debuxos estarán expostos a fin de semana no centro sociocultural durante os diferentes actos que alí se van desenvolver.
CERVO
O goberno de Cervo e os traballadores do concello congregáronse diante da Casa consistorial para gardar un minuto de silencio polas vítimas da violencia de xénero.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
