DOLO: ‘O DE VALLADOLID SERÁ OUTRO COMPROMISO CRUCIAL’
O Burela FS Pescados Rubén continúa imparable. Co triunfo no parapeto do UA Alicante (1-2), xa suma sete vitorias consecutivas, que o manteñen unha xornada máis na crista de Primeira e lle insuflan unha nova bafarada de aire fresco para o próximo reto, o vindeiro sábado. O cadro laranxa recibirá o Valladolid FS (Vista Alegre, 18.30 horas) dende a terceira praza “noutro compromiso crucial para os nosos obxectivos” asegurou a capitá Dolo, puntualizando que “un resultado positivo suporía ampliar a fenda cos que veñen detrás e, precisamente por iso, o Valladolid FS chegará con máis ganas, para reducir esa distancia de 6 puntos co grupo de cabeza”.
A ala-pivote coruñesa, que foi a encargada de marcar a primeira vantaxe das burelistas en Alacante, destacou o mérito dos tres puntos en terras levantinas: “Foi un resultado axustado fronte a un equipo sólido e con calidade; soubemos adaptarnos á lentitude da pista e non tivemos ansiedade, incluso nos momentos de inferioridade, nos que podía perigar o resultado”. Coa xogadora coincidiu o adestrador, Javier Pardeiro, que incidiu ademais “no dominio do Burela FS na primeira parte, con moitas opcións de sentenciar o encontro, e nun maior equilibrio tras o descanso, pola presión do UA, no que a pesar de contar con menos forza, tamén gozamos de numerosas ocasións”. Ambos amosaron a súa satisfacción “polo traballo do equipo, incluso no último tramo, cando estabamos limitadas polo cansazo, e polo triunfo ante un equipo que estará na zona alta, un equipo que non especula e que trata ben a pelota”.
A incondicional burelista tamén tivo palabras para o reencontro que propiciará o duelo do Valladolid coas que foron as súas compañeiras de vestiario durante catro anos, Claudia Rodríguez e Rosana Carballés: “Son dúas xogadoras da Mariña, volven á casa e para xogar fronte ao seu antigo equipo; virán con moitas ganas e ilusión por facelo ben na súa terra e por poder optar a unirse aos de arriba” dixo Dolo, concluíndo que “para nós tamén será un partido especial, pero debemos centrarnos. Cada un perseguirá os seus obxectivos; deséxolles o mellor, pero os tres puntos deben quedar en Vista Alegre”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
