A decisión foi comunicada esta mañá a ambos parlamentarios polo presidente do grupo, Alberto Núñez Feijóo, unha vez escoitadas as opinións dos deputados populares
O GRUPO POPULAR PROPORÁ A MIGUEL SANTALICES E JOSÉ MANUEL BALSEIRO PARA A VICEPRESIDENCIA E A SECRETARÍA DA MESA DO PARLAMENTO
Santiago, 14 de novembro de 2012.- O Grupo Parlamentario Popular proporá e apoiará aos deputados Miguel Santalices Vieira e José Manuel Balseiro Orol para ocupar os cargos de vicepresidente primeiro e secretario da Mesa do Parlamento de Galicia, respectivamente.
Esta decisión foi comunicada esta mañá a ambos parlamentarios polo presidente do Grupo Parlamentario, Alberto Núñez Feijóo, unha vez escoitadas as opinións dos deputados electos do Partido Popular.
MIGUEL SANTALICES
Natural de Bande (Ourense), Miguel Santalices é licenciado en Medicina e Cirurxía pola Universidade de Santiago de Compostela e diplomado en Xerencia Hospitalaria, en Dirección Médica Hospitalaria e en Sanidade. Ademais, conta cun máster en Saúde Pública pola Universidade de Santiago e do diploma de directivo da Xunta de Galicia, ao tempo que é funcionario do Corpo Facultativo Superior da Xunta de Galicia.
Santalices foi inspector médico de área, director de ambulatorios na área de Vigo, asesor técnico da Dirección Xeral de Asistencia Sanitaria e director-xerente do Complexo Hospitalario de Vigo, do Complexo Hospitalario de Ourense e do Psiquiátrico de Toén.
Deputado no Parlamento de Galicia desde a V lexislatura, Miguel Santalices foi vicepresidente da Cámara na V e VIII lexislaturas, presidente e membros de diversas comisións parlamentarias, así como portavoz do Grupo Popular en materia de Sanidade e Emigración. Precisamente, no día de onte recolleu en Madrid o premio Top 10 ao parlamentario autonómico máis relevante, outorgado polos lectores do diario dixital Redacción Médica.
JOSÉ MANUEL BALSEIRO
Pola súa banda, José Manuel Balseiro Orol é natural de Ferreira de Valadouro (Lugo) e traballou como director comercial e coordinador do equipo de vendas dunha empresa privada. Desde o ano 1999 exerce de primeiro tenente de Alcalde no Concello de Cervo e responsable da portavocía do Grupo Popular neste municipio lucense.
Deputado no Parlamento de Galicia desde 2005, durante a VII lexislatura foi voceiro de Pesca do Grupo Popular e membro da Comisión permanente non lexislativa para as relacións co Consello de Contas e da Comisión do Regulamento. Durante a pasada lexislatura, foi secretario da Mesa do Parlamento e portavoz de Mar do Grupo Popular.
————-
Primeiros nomeamentos de Núñez Feijóo para a lexislatura 2012-2016
O MARIÑÁN JOSE MANUEL BALSEIRO VOLVE A SER PROPOSTO COMO SECRETARIO DA MESA DO PARLAMENTO DE GALICIA
O deputado lucense dixo hoxe estar “moi satisfeito e orgulloso” despois de coñecer a proposta do seu nomeamento, e, por iso, agradeceu a “confianza” do presidente Alberto Núñez Feijóo e do conxunto dos seus compañeiros.
Santiago, 14 de novembro de 2012.- O presidente do PPdeG, Alberto Núñez Feijóo, comunicou esta mesma mañá ao deputado electo por Lugo Jose Manuel Balseiro Orol que volverá a ser proposto como Secretario da Mesa do Parlamento de Galicia, unha responsabilidade que ostentará ao longo da nova lexislatura e que xa desenvolveu nos pasados catro anos.
Alberto Núñez Feijóo adoptou a devandita decisión, unha vez escoitados oralmente e por escrito, as opinións dos deputados electos populares, aos presidentes provinciais e ao secretario xeral do partido. Ao mesmo tempo a designación do deputado popular para esta responsabilidade -a terceira institución en importancia da autonomía- supón unha mostra do apoio e de confianza do líder dos populares galegos nas tarefas desenvolvidas ata o momento por Jose Manuel Balseiro
ELECCIÓN O VENRES 16 DE NOVEMBRO
Con estes primeiros nomeamentos queda pechada a proposta da Mesa do Grupo Parlamentario Popular que será votada, o vindeiro venres 16 de novembro, na sesión constitutiva da Cámara galega. A vicepresidencia recairá no deputado Miguel Santalices e a secretaría corresponderá a Jose Manuel Balseiro
AGRADECEMENTO
José Manuel Balseiro dixo hoxe estar “moi satisfeito e orgulloso” despois de coñecer a proposta do seu nomeamento, e, por iso, agradeceu a “confianza” do presidente Alberto Núñez Feijóo e do conxunto dos seus compañeiros.
Ademais, Balseiro expresou a súa intención de traballar arreo na defensa dos intereses de Galicia e o seu desexo de estar “á altura das circunstancias”.
Con todo, expuxo que primeiro terá que tomar posesión para, posteriormente, poñerse “a disposición” dos integrantes da Mesa do Parlamento, e do resto dos seus compañeiros no órgano rector da Cámara galega.
DEPUTADO DA MARIÑA LUCENSE
Jose Manuel Balseiro naceu en Ferreira de Valadouro, en 1962 e na actualidade reside en Cervo, onde ostenta o posto de Primeiro Tenente de Alcalde desde 1999 e a responsable da portavocía do PP en Cervo, funcións que compaxina coas de deputado e polas que non percibe ningún tipo de remuneración económica polo Concello
Forma parte da Executiva popular galega, do Comité de Dirección do Partido Popular de Galicia e é Secretario Xeral do PP de Lugo
Balseiro é deputado no Parlamento de Galicia dende 2005 e nas dúas últimas lexislaturas foi Voceiro do Mar do Grupo Popular, membro da Deputación permanente e da Comisión do Regulamento.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
