Gómez Besteiro aposta por “unha reforma integral do sistema electoral que dea resposta ás demandas sociais”
– O Presidente da Deputación inaugurou un curso da UNED de Lugo que analiza o actual réxime electoral partindo dos recentes comicios galegos do 21-O
– Unha vintena de universitarios, sobre todo de titulacións de Dereito e Graduado Social, participan nas xornadas, que continuarán os días 20 e 21
– O mandatario provincial avogou por un “debate sosegado, pero efectivo”, que vaia máis alá do “número de escanos a repartir”, e advertiu de que “unha modificación partidista do sistema electoral pode levar consigo graves alteracións na calidade democrática”
O Presidente da Deputación de Lugo, José Ramón Gómez Besteiro, inaugurou este martes o curso Análise das eleccións autonómicas galegas do 21 de outubro de 2012, organizado polo Centro Asociado da UNED de Lugo co fin de analizar o actual réxime electoral partindo dun proceso concreto, como son os recentes comicios autonómicos. Na apertura das xornadas, o mandatario provincial apostou por “unha reforma integral do sistema electoral que dea resposta ás necesidades e demandas sociais”. Neste senso, avogou por un “debate sosegado, pero efectivo”, subliñando neste senso que a discusión “non debe centrarse exclusivamente no número de escanos a repartir”. “A árbore da cuestión cuantitativa, por máis que sexa importante, non debe impedir ver o bosque da calidade democrática que soamente un sistema electoral imparcial, e plural pode alcanzar”, asegurou Gómez Besteiro, advertindo, ó mesmo tempo, de que “unha modificación partidista do sistema pode levar consigo graves alteracións na calidade democrática”.
“Eu son dos que pensan que non hai nada que non se poida discutir e mudar, sempre que sexa dende o respecto e co ánimo de mellorar e dar resposta ás demandas sociais. O sistema electoral é perfectible e nas nosas mans está a súa actualización: a aquilatación do número de deputados -sempre que se manteña a representación-; a reforma do Senado; o modelo de elección mediante listas abertas; a fronteira de acceso ós parlamentos; o número de escanos e porcentaxes para a formacións dos grupos parlamentarios, ou mesmo, por qué non dicilo? A reforma das Deputacións”, argumentou o Presidente.
Gómez Besteiro abriu e moderou a primeira sesión do curso da UNED, centrada en dous eixos: o sistema electoral e as eleccións autonómicas galegas entre 1981 e 2012 e o grao de influencia do sistema electoral nos resultados. Xunto ó Presidente, nesta sesión inaugural estiveron a Secretaria do Centro Asociado da UNED de Lugo, Ana Belén Traseira Pena; o director do curso, Fernando Martínez Arribas, doutor en Dereito e profesor titor da UNED; e Anxo Lugilde, doutor en Historia, politólogo e xornalista. Besteiro cualificou esta acción formativa da UNED como “un exercicio esencial para a consecución da debida calidade democrática, ó analizar o sistema electoral que temos e o que deberiamos ter”.
Dúas sesións máis
Unha vintena de alumnos universitarios, fundamentalmente das titulacións de Dereito e Graduado Social, impartidas na sede lucense da Universidade Nacional de Educación a Distancia, participan no curso, que ten unha duración de 10 horas lectivas. Os asistentes obterán 0,5 créditos ECTS e 1 de libre configuración. Trala sesión de hoxe, continuará os días 20 e 21, con conferencias sobre perspectivas de reforma da Lei Electoral; a relación entre electores e representantes; modelos alternativos ó vixente en Galicia; dicotomía entre representatividade e gobernabilidade no marco do sistema parlamentario galego; análise do período electoral, aspectos técnicos do sistema electoral e o posible fin do tripartidismo en Galicia.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
