20-N e Rajoy: Un ano de retroceso económico en Lugo
Desde a chegada de Rajoy ao Goberno, o tecido produtivo da provincia cae en
picado mentres medra o desemprego e o rural se deprime a un ritmo aínda máis
grave que no resto de Galicia e de España
Cando se cumpre o primeiro ano dende a chegada de Mariano Rajoy ao Goberno, Lugo
constata un grave retroceso económico que leva á provincia a un total desmantelamento
produtivo e un abandono que acaba cos piares fundamentais para o seu avance. Medidas
como a reforma laboral, o aumento do IVE e o IRPF ou os recortes en orzamentos
fundamentais reflíctense en cifras preocupantes:
-O paro incrementouse en outubro en Lugo en 1.084 persoas, o que representa un
4,29%, un punto máis que a media galega, que alcanzou o 3,25%. As oficinas de emprego
contabilizaron en outubro 26.323 desempregados na provincia. O aumento é aínda máis
significativo se tomamos como referencia o mesmo mes do ano anterior. O último ano
supuxo un crecemiento de desempregados do 12,57%, cando no resto do Estado
esta porcentaxe supuxo o 10,84%, case dous puntos menos.
-O tecido produtivo desmorónase. Lugo sufriu 63 concursos de acredores de empresas
importantes nos últimos dez meses e unha continua sangría de pemes. Unha mostra clara da
parálise na producción é que, no que vai de ano, 94 empresas de transporte de
mercancías pecharon en Lugo, segundo datos de Tradime. Firmas como Tablicia, Cosmos
ou Alimentos Lácteos están en situación extrema. No sector lácteo a situación é
especialmente grave, xa que Lugo conta con máis de 28.000 persoas empregadas na
agricultura (0 22% da poboación ocupada de Lugo). Centos de granxas están pechando e os
informes falan da perda de milleiros de traballos nos próximos meses.
-Alcoa (que aporta entorno a un 35% do PIB da provincia e da que dependen unas 5.000
familias) segue sen ter un plan de viabilidade e un acordo para a súa permanencia e
investimentos na Mariña a medio-longo prazo, a pesar das promesas da Xunta e de Industria
en período electoral.
-A isto súmase a baixada de poder adquisitivo dos pensionistas, que son 6.000 en Lugo. A
suba do 1% cun IPC do 3,5% supón unha baixada real do 2,5%. Os pensionistas van sufrir
un recorte medio de 245 euros polo impago dos atrasos por desvío do IPC. Isto
súmase ao copago dos medicamentos.
-A repercusión da eliminación da paga extra de Nadal dos funcionarios, 20.000 na
provincia de Lugo, traerá unha perda de ingresos millonaria en datas claves para o
impulso da economía. Medidas como a nova lei de taxas xudiciais tamén influirán
negativamente nos recursos económicos, ademais delimitar de forma grave o acceso á
Xustiza.
-Nos orzamentos do Estado, as partidas destinadas para a pesca e o rural, un dos piares
fundamentais da nosa provincia, son desoladoras. O Ministerio de Agricultura, Alimentación e
Medio Ambiente recorta un 25,4% con respecto ao ano anterior. Os fondos para programas
de desenrolo rural caen máis dun terzo; para competitividade e calidade da produción e
os mercados agrarios destinarán un 37,3 % menos; e a dotación para a previsión de riscos
nas producciónss agrarias e pesqueiras será de 204,9 millóns de euros, un 18,9 % menos.
-Seguindo cos Orzamentos do Estado, hai que falar tamén da absoluta parálise das
infraestruturas na provincia, e os recortes que por suposto tamén afectan de forma directa
aos lucenses como a educación (21,9%) onde as becas caen en máis de 45 millóns, un
novo engano do Goberno que asegurou que subían, dependencia, cun recorte de 283
millóns no nivel acordado coas CCAA cunha grave incidencia nunha poboación envellecida
como a nosa, sanidade (6,8%) ou axuda ao alugueiro dos mozos (34%).
-A todo isto hai que sumarlle un problema de extrema gravidade en Lugo: o
despoboamento do rural, con continuos recortes e falta de recursos e servizos que
impiden o afianzamento da poboación. De feito, segundo o INE, Lugo perderá un 7,5% da
súa poboación nos próximos dez anos. Non hai medidas de impulso, e Todas as decisións
tomadas desde o goberno central e a Xunta agravan este problema.
Todo isto e moito máis en só un ano. Desde o PSdeG preguntámonos onde leva
Rajoy, da man de Feijóo, a Lugo?
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
