Espazo Ecosocialista esixe á Xunta un posicionamento claro contra a técnica “fracking” polos seus efectos medioambientais e na saude das persoas
Causa espanto escoitar ao Director Xeral de Industria, Enerxía e Minas, Ángel Bernardo Tahoces, afirmar que a Xunta “fai unha aposta decidida pola busca de xacementos de gas natural non convencional”, apoiándose na súa posíbel existencia entre os chans de lousa.
Causa espanto polo que ten de irresponsábel ao facer apoloxía dun dos métodos de extracción máis perigosos que existen na actualidade como é a fractura hidraulica, comunmente coñecida como fracking. Este proceso industrial para a extracción de gas natural a grandes profundidades esixe o emprego de inxentes cantidades de auga mesturada con areas e compostos químicos nun proceso tremendamente intrusivo e cun potencial contaminante devastador para a calidade das augas continentais.
O impacto fundamental, alén dos propios da minaría relacionados coa excavación de pozos, afeccións a biodiversidade etc, reside na necesaria inxección de augas potábeis, da orde de 19 millóns de litros por pozo e operación mesturada con areas e productos químicos altamente tóxicos da que só se recupera entre o 15% e 85% para o seu posterior tratamento, quedando o remanente no subsolo co seu potencial contaminante sobre augas subterráneas, non só polos químicos introducidos, senón por metais pesados (arsénico, mercurio, . . ) e radiactivos que arrastre no proceso. Algúns produtos químicos empregados son recoñecidos alerxénicos, tóxicos, canceríxenos e mutaxénicos, tal como recoñece o informe Impacts of shale gas and shale oil extraction on the environment and on human health (2011)1 , realizado por encargo do Comité de Medioambiente, Saíde Pública e Seguridade Alimentar do Parlamento Europeo.(axuntase gráfico sobre emisións)
Este mesmo informe afirma que non existen potenciais beneficios medioambientais evidentes no uso desta técnica agás posíbeis reducións de emisións de GEI, que de calquera xeito só ocurrirían se este gas substituira o petróleo ou o carbón, o que non está a facer na actualidade. Tamén recoñece que a contribución deste tipo de explotacións ao subministro enerxético europeo sería no mellor dos casos marxinal.
O estudo destes datos revela unha vez máis que é o simple negocio económico no que os grandes oligopolios enerxéticos apostan o noso futuro ambiental o que subxace nesta nova modalidade suicida de extracción enerxética e deixa en evidencia a irresponsabilidade da administración galega apoiando estes proxectos; moi ao contrario por certo ao que estan a facer outras administracións autonómicas do mesmo signo político coma La Rioja http://www.larioja.com/v/20121201/rioja-region/gobierno-rioja-rechaza-tcnica-20121201.html
Galicia está padecendo nos últimos anos unha intensa ofensiva por parte de empresas de minaría extractiva para explotar o noso país a costa do sufrimento da súa cidadanía. O proxecto da mina de ouro en Corcoesto, as catas na procura deste material baseado no cianuro noutros puntos como Santa Comba, unha multinacional sudafricana na Serra do Galiñeiro, o proxecto de explotación de andalucita lindante co Parque Natural das Fragas do Eume, os proxectos mineiros na Terra Cha son só algúns dos exemplos que temos, aos que hai que sumar agora as intencións da Xunta. Este tipo de explotacións son curtoplacistas, nos que as empresas levan os beneficios e o conxunto da cidadanía asumimos os custos ambientais durante a explotación e a desfeita que deixan cando a abandonan.
O futro enerxético galego debe basearse no acelerado abandono das enerxías fósiles e a súa substitución por unha combinación de aforro, incremento da eficiencia, e as fontes enerxéticas renovabeis das que dispoñemos, nun modelo de explotación no que os beneficios redunden no conxunto da sociedade, e que a transparencia, o principio de precaución e a sustentabilidade sexan os principios reitores.
Desde Espazo Ecosocialista esiximos á Xunta de Galicia o abandono inmediato de calquera proxecto baseado no fracking polas súas consecuencias ambientais e sociais, e por constituír un afondamento en estratexias que xa teñen demostrado que levan a un calellón sen saída. Ao tempo, solicitamos a opinión sobre o tema do Conselleiro de Medio Ambiente, cuxo silencio ante estas declaracións amosa certa incapacidade ou falla de vontade de cumprir as súas obrigas.
Ver en http://www.espazoecosocialista.org/index.php?option=com_content&view=article&id=139:espazo-ecosocialista-esixe-a-xunta-un-posicionamento-claro-contra-a-tecnica-fracking-polos-seus-efectos-medioambientais-e-na-saude-das-persoas&catid=9&Itemid=435
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
