EU ACUSO A ESTA TROPA….
Para acabar este ano, volto a saírme do curral e en vez de mandarlles unha postal lírica falando de bos desexos, arboliños de Nadal, anxeliños, paxaros piadores e outros tópicos, vou eu e trato de acabar o ano poñendo o acento na petuñeira realidade política deste pais de ananos.
Eu acuso, como o poeta, aos que queren calar a voz da xustiza, polas promesas incumpridas e as mentiras institucionalizadas. Aos que pretenden silenciar, como o fixeron con Neruda, o discurso crítico que desmantela a fraude antidemocrático. A palabra entón trasládase á rúa, ás carballeiras derramadas. E clama o sagrado dereito de defensa dos cidadáns enganados e condenados a pagar as malas mañas duns poucos ávidos especuladores e os seus títeres políticos.
Eu acuso aos que queren substituír os dereitos á saúde, a educación e o emprego pola vida na miseria; aos que promoven cercenar a liberdade de expresión coa coacción de normas propias dunha ditadura. Eu acuso aos que intentan, con falacias, substituír o proveito colectivo polo fin de lucro, o público polo privado, o interese xeral polas plusvalías dunha minoría. Eu acuso aos políticos que amparan que bens esenciais para a vida como a auga, a educación e a saúde estean en mans de empresas con ánimo de lucro. Eu acuso ás grandes empresas, eléctricas, de telecomunicacions, á banca -cuxos capitais teñen moito en común-, pola fraude sistemática aos cidadáns e ao saqueo das arcas públicas. Eu acuso aos poderes públicos, pola cantidade de nenos, anciáns e familias enteiras sen fogar cunha existencia miserable. Eu acuso aos culpables dunha lei electoral antidemocrática confeccionada para a alternancia do poder dos que non cuestionan este sistema que produce enormes desigualdades sociais. Eu acuso a hipocrisía da Igrexa, o seu boato e falta de sensibilidade cara aos verdadeiros males deste mundo e o seu cohabitación cos poderosos. Eu acuso aos lobbies químico-farmacéuticos cuxo máximo negocio é manter enfermos, non curalos, porque para eles cada enfermidade é un negocio millonario. Eu acuso aos malnacidos que se enriquecen a costa do sufrimento de seres humans. Eu acuso aos gobernos deste pais de antidemocráticos, por atentar contra as liberdades e o interese xeral dos cidadáns, os dereitos constitucionais e os dereitos humanos e esixo a súa dimisión.
Por todo iso, e por moitas mais cousas deséxolles a esta tropa, unhas festas cheas de todos os males posibles, unha intoxicación co marisco que a bo seguro esta xente de mal vivir consumira estes días e que lles orixine uns bos torceos e dores de tripa ata que cambien de parecer e gobernar, e a vosoutros amigos lectores deséxolles moita paciencia para aguantar a toda esta tropa de mal nacidos e un bo aguante do que vai caer no ano 2013, alguén dixo que “O QUE RESISTE VENCERA”.
Otero Regal
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
