O BNG CALIFICA DE HIPÓCRITA A PROPOSTA DO ALCALDE DE BARREIROS SOBRE O USO DE PISOS PARA FINS SOCIAIS. OS NACIONALISTAS CONSIDERAN QUE O PP ESTÁ A APOSTAR POR UN MODELO DE BENEFICENCIA, MENTRAS DESMANTELA O SISTEMA DE BENESTAR PÚBLICO.
Barreiros, 11 de decembro de 2012. O BNG califica de hipócrita a proposta do alcalde de Barreiros, Alfonso Fuente, sobre o uso de pisos para fins sociais. Os nacionalistas consideran que o PP está a aportar por un modelo de beneficencia, mentras desmantela o sistema de benestar público. E din que o rexedor apúrase a buscar solucións para os promotores, mentras ignora as reclamacións das veciñas e veciños.
Desde o BNG de Barreiros amósanse críticos coa última proposta anunciada polo alcalde barreirense, o popular Alfonso Fuente. Para os nacionalistas esta medida “resposta a unha dobre moral e a un lavado de cara moi propio do Partido Popular: mentras desde os gobernos populares se adican a desmantelar o cativo estado de benestar e a crear uns servizos públicos de primeira e de segunda, agora plantexan medidas de solidariedade tendentes a crear unha beneficencia máis propia doutros momentos históricos que de hoxe en día”.
Os nacionalistas apoian os seus argumentos ademais tendo en conta que no último pleno, o BNG presentou dúas mocións claramente sociais ás que o Partido Popular se opuxo. “No último pleno tratamos unha moción sobre os distintos xeitos de violencia que se exerce sobre as mulleres e o Partido Popular non apoiou acordar, entre outras cousas, que se desenvolva a lei prestando asistencia psicolóxica nos centros públicos ou que se garanta o dereito ao aborto das mulleres. Pero ademais, o BNG propuxo tratar unha moción sobre os desafiuzamentos, para crear unha comisión municipal de apoio e a busca de solucións a posibles situacións deste tipo, ao que o Partido Popular se opuxo nen sequera a tratar argumentando que xa o goberno do Estado estaba traballando neste tema e que o Concello pouco tiña que facer. É por esta razón pola que nos sorprende que agora se presente esta iniciativa para casos de emerxencias sociais, sen tratalo en ningún organismo”, sinala a portavoz do BNG en Barreiros, Ana Ermida.
En base a isto, para o BNG “esta medida parece que resposta máis a dar unha solución aos problemas económicos dos promotores inmobiliarios, excusándoos de cumprir coas súas obrigas tributarias, que a unha verdadeira preocupación polas veciñas e veciños. Sobre todo tendo en conta que no último pleno houbo unha clara petición veciñal para que se buscasen alternativas co obxectivo de evitar a sobrecarga de taxas e impostos ás e aos barreirenses e á que o Partido Popular fixo oídos xordos e se negou a revisar”.
Como xa dixo o BNG en numerosas ocasións “o PP é máis eficiente solucionando os problemas dos promotores que os das súas veciñas e veciños. No propio pleno dixemos que a situación e a busca de solucións sería ben distinta se os que protestaran foran os promotores e ésta é a proba inequívoca”.
¿Situación económica boa?
Desde o BNG insiten na necesidade de coñecer a situación económica do Concello de Barreiros e amósanse sorprendidos polas declaracións do alcalde nas que di que a situación económica do Concello non é mala. Para os nacionalistas “estas palabras demostran unha absoluta irresponsabilidade e unha falla de respecto ás veciñas e veciños. Se un concello cunha débeda a dez anos de 2,5 millóns de euros e unha situación económica actual descoñecida, polo menos pola oposición, non é mala, é preciso que o alcalde de Barreiros nos explique que é unha situación económica mala. Sobre todo, cando ista situación é disculpa para subir todos os prezos públicos (taxas e impostos) que están pagando as veciñas e veciños”.
Os nacionalistas insisten na necesidade de convocar unha comisión de contas para coñecer a situación económica do Concello e para coñecer se a opinión do alcalde é compartida tamén polo responsable da área económica. “E, desde logo, se se pode permitir buscar solucións para os problemas dos promotores, cremos que é a súa obriga atender ás veciñas e veciños e buscar outras alternativas que supoñan unha menor carga para estes”, conclúen.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
