OS ORZAMENTOS DO CONCELLO DE CERVO BLINDAN OS SALARIOS E ASIGNACIÓNS ECONÓMICAS DO GRUPO DE GOBERNO DO PP
O BNG DEMANDA AO PP RECORTES NO GASTO ASIGNADO AO GRUPO DE GOBERNO PORQUE OS ORZAMENTOS DEBEN ESTAR AO SERVIZO DA XENTE E NON DOS MEMBROS DO GOBERNO.
OS NACIONALISTAS DENUNCIAN QUE O CUSTE Á CIDADANÍA CERVENSE DO GRUPO DE GOBERNO MEDRA NO ORZAMENTO 2013 EN RELACIÓN AO DE 2012.
Cervo, 27 de decembro de 2012. O BNG denunciou hoxe o incremento do gasto incluído no orzamento para 2013 do grupo de goberno no que se inclúen salarios para catro dedicacións exclusivas e parciais ademais das asistencias a Xuntas de Goberno, dietas e outras indemnizacións que suma 116.463 euros, 2.700 euros mais que no orzamento 2012 a pesar da eliminación da praza de asesora que desempeñaba a actual edil Pilar Armada que agora cobra unha dedicación parcial. Os nacionalistas suman a este orzamento de gasto do grupo de goberno outros incluídos en partidas opacas recollidos no orzamento como “traballos realizados por outras empresas” nas que se está cargando na actualidade o gasto dun gabinete de prensa que non ten sentido nun concello como Cervo con seis persoas cobrando mensualmente da administración pública.
O goberno local incumpre os acordos do pleno de organización sobre cobros por asistencias a Xuntas de Goberno e o orzamento para salarios e outros gastos do grupo de goberno lonxe de reducirse medran.
Os nacionalistas denuncian que o goberno local utiliza as arcas municipais para solucionar problemas persoais dos membros do goberno como é o caso da edil Pilar Armada que pasou de custarlle ás arcas públicas por unha dedicación exclusiva a tempo completo como asesora 20.908 euros anuais a custar só 2.771 euros menos con dedicación parcial de 65 horas mensuais. Segundo afirman no BNG cervense, o goberno local incumpre acordos do pleno de organización sobre a regularidade na convocatoria a Xuntas de Goberno que van camiño de multiplicarse por dous no ano 2012 pasando das 24 previstas con 7.200 euros de gasto a case o dobre.
Dende o BNG consideran unha indecencia e unha sangría ás arcas públicas que o grupo de goberno lonxe de reducir o gasto en salarios, indemnizacións e outros gastos do grupo de goberno aprobados no orzamento municipal de 2012, temos que ver como no de 2013 segue a incrementarse ate chegar aos 116.463 euros anuais aos haberá que engadir os derivados da contratación dun gabinete de prensa que traballa a tempo completo e utilizando medios e locais da propia casa consistorial.
Os orzamentos deben estar ao servizo da xente e non do grupo de goberno
Os nacionalistas demandan recortes no gasto do organismo de goberno, non pode ser que mentres o goberno municipal aproba subas masivas de taxas e impostos municipais sen distinción, estes esforzos económicos impostos á sociedade non sirvan para mellorar os servizos e o único que mellore son as compensacións económicas do grupo de goberno. Dende o BNG reclaman reducións sustancias nas compensacións económicas e outros gastos innecesarios do grupo de goberno e que ese aforro vaia directamente á mellora e redución dos custes para a cidadanía de servizos como o PAI, Escolas Deportivas ou incremento do persoal asignado a dependencia.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
