O Observatorio da Mariña pola Igualdade presenta a súa Axenda Feminista 2013 dedicada ás escritoras galegas
As presentacións terán lugar en Viveiro, Ribadeo e Compostela
Despois do éxito e boa acollida que tiveron as dúas edicións anteriores das Axendas Feministas do Observatorio da Mariña pola Igualdade, dedicadas no 2011 ás reivindicacións pola igualdade aínda pendentes e, no 2012, ás músicas galegas, o Observatorio presenta a Axenda Feminista 2013: Escritoras Galegas. “Libre é a miña alma, e libre é o meu pensamento…”.
“Libre é a miña alma, e libre é o meu pensamento…” é unha homenaxe ás escritoras galegas. Para visibilizar o seu traballo, e dalgún modo tamén dalo a coñecer, cada mes da axenda está encabezado por unha das nosas moitas escritoras, cunha foto delas e un texto que concibiron e redactaron expresamente para a axenda. Teresa Moure, María Xosé Queizán, Begoña Caamaño, Aurora Marco, Marilar Aleixandre, María Reimóndez, María do Cebreiro, Carmen Blanco, Marta Dacosta, Marica Campo, Begoña Paz e a mariñá Eva Moreda conforman a Axenda Feminista do Observatorio para o 2013.
As presentacións da Axenda Feminista 2013 terán lugar:
Sábado 8 de decembro, ás 12.30h, na Libraría Porta da Vila de Viveiro (por confirmar a presenza de Carmen Blanco).
Sábado 8 de decembro, ás 20.30h, na Libraría Casa das Letras de Ribadeo (por confirmar a presenza de Carmen Blanco).
Venres 14 de decembro, ás 20.30h, na Libraría Lila de Lilith en Compostela, coa presenza confirmada de Begoña Caamaño, Aurora Marco e Carmen Blanco.
Este ano a Axenda preséntase nun formato A5, con tapas duras deseño da artista ribadense Andrea Lombardía, goma para pechala e unha cinta para marcar a páxina desexada. Ademais dos textos de cada escritora tamén se poderá atopar na axenda a bibliografía de cada unha delas con toda a súa obra en galego, datas relevantes para o movemento feminista que decote pasan desapercibidas noutros almanaques, páxinas de notas, ou o calendario menstrual 2013.
O prezo da axenda é de 10 euros (ás persoas socias o Observatorio lles financiará unha parte, quedando a axenda a un prezo reducido para el@s de 8 euros) e se pode atopar nos seguintes puntos de venta:
Ribadeo: Libraría Casa das Letras, Libraría Bis a Bis e Tenda de Calidade Guidán.
Foz: Libraría Bahía.
Burela: Libraría Espacio Lector Nobel, Libraría Atril (no parque) e Comercial Auma (onde a Igrexa)
Viveiro: Libraría Porta da Vila
Santiago de Compostela: Libraría feminista Lila de Lilith
A xente que o desexe tamén se pode poñer en contacto co Observatorio da Mariña pola Igualdade a través da páxina web (www.observatorioigualdade.org), do facebook, do mail observatorioigualdade@gmail.com ou do teléfono 627.037.668 para mercar a súa axenda. Fanse envíos por correo postal.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
