A popular Elena Candia explicou onte na Casa da Xuventude un proxecto dirixido a dinamizar o turismo na localidade
Seguen sumándose apoios de establecementos hoteleiros, empresas privadas e particulares á folla de ruta promovida polo PP en materia turística
A portavoz popular fixo fincapé na necesidade de plantear obxectivos realizables a materializar con constancia e destacou a necesaria implicación de todos nun proxecto que fomente o turismo local
Candia agradeceu a colaboración e implicación dos asistentes á reunión, que coincidiron na necesidade de concretar actuacións inmediatas para aproveitar os recursos que presenta o municipio
A popular destacou a súa preocupación pola situación, sen precedentes, que vive Mondoñedo, e que require actuacións urxentes
O proxecto presentado polo PP procura a reordenación dos recursos, plantexando tres paquetes turísticos a comercializar: Mondoñedo, turismo verde; Mondoñedo, destino fin de semana e Mondoñedo, destino de visita dun día
Os populares lamentan que o equipo de goberno non fora quen de reorientar o investimento que herdaron para a posta en valor da Cova do Rei Cintolo, unha opinión compartida polos establecementos hoteleiros, que confirmaron que as visitas teñen pouca incidencia na hostalería, consecuencia dun alcalde, segundo a popular, que interpreta que “negociar é renunciar a todo”
Mondoñedo, 12 decembro de 2012.- A portavoz do Partido Popular, Elena Candia, xunto con outros membro do Grupo municipal promoveron onte unha xuntanza na Casa da Xuventude para explicar o proxecto no que están a traballar os populares, xunto con outros empresarios da zona, para dinamizar o turismo na localidade. A popular explica que durante a xuntanza propietarios de varios establecementos hostaleiros, empresas privadas e particulares manifestaron a vontade, como xa fixeran outros en reunións anteriores, a sumarse á folla de ruta do PP en materia turística.
Candia fixo fincapé na necesidade de plantexar obxectivos realizables a materializar con constancia e a implicación de todos. Así agradeceu a colaboración dos asistentes á reunión, que coincidiron na necesidade de concretar actuacións inmediatas e aproveitar os recursos que presenta a localidade.
Segundo explica a portavoz popular esta reunión tiña o fin construtivo de escoitar aos veciños que viven do sector turístico e analizar con eles diferentes aspectos que permitiran mellorar a folla de ruta proposta. Dado o respaldo acadado, os populares comprométense a continuar con este proxecto, agradecendo a boa resposta obtida.
Proposta para turismo
A portavoz popular refírese ao turismo como “un valor indiscutible en Mondoñedo, sendo imprescindible ordenar os recursos que presenta”. Coa estratexia de paquetizar estes recursos para a súa futura comercialización plantexan tres produtos aos que refiren como Mondoñedo, turismo verde; Mondoñedo, destino de fin de semana e Mondoñedo, destino de visita dun día.
Tralo deseño e materialización destes produtos; a popular asegura que a comercialización, sen dúbida, é a parte máis importante, explicando nestas reunións as canles que teñen previsto levar a cabo os populares.
Elena Candia puntualizou que están xa en marcha contactos con axencias de viaxes, con empresas de autobuses e solicitados con outras entidades relevantes en materia turística.
A sensibilización da xente e ser capaz de trasladarlles a ilusión e o convencemento de que este proxecto, coa axuda de todos, pode ser un feito; é o principal cometido que asumiu a popular nesta reunión. “Sen dúbida Mondoñedo está a vivir unha situación sen precedentes e evidentemente se gobernase este concello, a posibilidade de materializar este proxecto sería maior, pero aínda así, como partido ganador das municipais, debémonos á xente que confiou en nós e poñeremos todo o empeño, sen escatimar en traballo e esforzo, para desenvolver algo no que creemos. Temos que convencer aos veciños de que somos unha real alternativa de goberno”, asegura Elena Candia.
Fata de implicación do goberno local
Conscientes do potencial da localidade, o PP amosase crítico coa pasividade do bipartito e a falta de eficiencia na súa xestión. A popular asegura que o equipo de goberno cada día dá máis mostras de que “non ten proxecto, non ilusionan e semella que o único obxectivo e perpetuarse no sillón”.
Sen dúbida, a popular asegura que se traballará para conseguir a implicación do goberno local, “dado que hai determinadas actuacións que só eles poden facer”. Aínda así e co obxectivo de facilitarlles o traballo, o PP presentará, no seu momento, unha ordenanza reguladora do turismo na localidade para corrixir determinadas deficiencias de xeito inmediato. Como exemplo a popular cita o horario da oficina de turismo, a posta en valor de elementos de titularidade e responsabilidade de xestión municipal ( como o Centro Cultural Álvaro Cunqueiro) ou, entre outros, a escasa e deficiencia utilización da sala de usos múltiples da biblioteca a pesar da súa óptima utilidade.
PARTIDO POPULAR
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
