Campaña “Mentalízate” no IES Monte Castelo de Burela

Un ano máis a Asociación de Axuda ó Enfermo Mental A Mariña participa na campaña Mentalízate e desenvolve a mesma nos IES Monte Castelo de Burela. A psicóloga e a educadora social da entidade acudirán a impartir charlas informativas co fin de sensibilizar ao alumnado da importancia de eliminar prexuízos e a estigmatización das persoas con enfermidade mental e traballar pola saúde mental, ademais de fomentar hábitos de vida saudables. Mañá darán comezo as primeiras sesións informativas para o alumnado de 3º da ESO e os ciclos de Sáude Ambiental e Coidados Auxiliares de Enfermería e seguirán desenvolvéndose ao longo do mes de febreiro.