DEL RIEGO E “O MUNDO DE GALEA”
O día 7 do actual cómprese o centenario do nacemento do ilustre intelectual galeguista don Francisco Fernández del Riego, Fillo Predilecto de Lourenzá: avogado, escritor, historiador e político nos tempos en que éstes – os políticos- eran, segundo as súas palabras, “románticos, non buscaban compensacións, traballaban só por ideais, cunha pureza e unha autenticidade admirables”. Ou sexa, nada que ver co de hoxe en día.
Tan insigne persoeiro recibiu ao longo da súa vida- 97 anos- os mais importantes galardóns que se reservan a aqueles que de tal xeito honran a súa terra: Pedrón de Ouro, Medalla Castelao, Premio Trasalba, Medallas de Ouro de Galicia ou da Cidade de Vigo e da Universidade de Santiago, Galego Egrexio … Foi Presidente da R.A.G..
Polo que á Mariña respecta foi investido por “O Mundo de Galea” como “Cabaleiro do Mariscal Pardo de Cela” en 2008, para o que debido aos serios atrancos de mobilidade, preto de medio cento dos seus membros desprazáronse a Vigo, onde residía, para en solemne acto, proceder á investidura en dependencias do Hotel Avión engalanadas con artísticas alusións ao seu pobo e á Ruta Pardo de Cela. Este cronista, voceiro do colectivo, iniciou o acto, dicindo: “ Estas que o acompañan son as súas xentes, as xentes da bisbarra que ten para vostede o corazón en Vilanova; daqueles pobos que con tanta galanura describe no seu fermoso libro “Lourenzá”. Vimos a ofrecerlle o testemuño da nosa gratitude, admiración e agarimo. Gratitude por que é vostede persoa que honrou sempre, e honra, á súa terra, que é a nosa; pola súa exemplar experiencia vital. Dicíame nun encontro que tivo a deferencia de concederme que cando lle chegara a hora da morte iríase tranquilo, porque a ninguén fixo mal, sempre fiel a sí mesmo e ó seu pensamento; sempre as súas actuacións presididas pola honestidade e a coherencia. Grazas polo exemplo… Traémoslla a esta cosmopolita cidade a lembranza da virxiliana natureza do seu val “a cunca multiverde arrodeada de lombas” como vostede a describe, e tamén as brisas da Rapadoira, que na súa nenez e adolescencia tanto desfrutou esquieiro en ristre, por entre as penas do Escairo e da Garita, alí onde Buón, “o cantor de Mondoñedo”, que chamou Lence Santar, perdeo a vida.
Traémoslle os recordos do seu “vagacento pasear” polo silente cantón enlousado da vila natal; os de lugares e paraxes que lle son mais queridos: Batán, Baos, Cuñas, Cabaleiros, A Ponte de Pedra, O Masma, A Cazolga… Por todo iso, e moito mais, esta asociación quere distinguilo co máximo galardón que lle é posible: o de Cabaleiro do Mariscal Pardo de Cela”.
O concello laurentino declara 2013 como Ano de don Paco del Riego. “O Mundo de Galea” únese afervoadamente á celebración.
Suso Fernández
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
