O AZUL DA VIDA
Eu quixéseme levantar todos os días sendo capaz de ver azuis como os das piscinas californianas que pintaba David Hockney. Pero o que me atopo son os mesmos titulares de prensa que van variando os números segundo o gusto dos especuladores e dos mercachifles. E ademais tes a sensación de que fagas o que fagas coa túa economía, a economía da túa rexión ou a do teu país non conseguirás absolutamente nada porque todo depende dun par de tipos que, sen saber onde queda Viveiro ou A Mariña, avalían en función dos seus intereses. O peor é que aproveitaron para quitarnos (e aínda pretenden seguir quitándonos) o que se tardou séculos en conseguir. Seguiremos inmersos na crise, pero con peores condicións sociais, con menos solidariedade, a pesar de que dende os medios cacarease o contrario, con pésimos servizos sanitarios e, sobre todo, con moita menos igualdade (porque a igualdade susténtase en que todos teñamos, de saída, as mesmas oportunidades a partir dunha educación de calidade libre e gratuíta). E, mentres, Alemaña segue medrando e atopando cada vez máis baratas as cervexas e as hamacas das nosas praias, supoño que porque contaron con gobernantes menos atolondrados e irresponsables. Onte, cando ves imaxes dalgunha intervención no parlamento mentres se debaten os recortes de turno, sacan un plano xeral con case todo o hemiciclo baleiro. Non son eses vividores os que nos van a sacar da lameira. Estáselles deixando facer con ese abandono latino e católico de quen espera á providencia ou a que un milagre inesperado solucione todo.
Tampouco ninguén nos devolverá o que fomos perdendo. Ata Hockney cambiou nos seus últimos cadros o azul californiano polas brumas británicas. Nós, dalgún xeito, tamén estamos pintando a mañá coas cores dunhas cifras que só ofrecen tons cada vez máis sombríos. Prefiro mirar ao ceo ou ao mar para concibir algunha esperanza. Ou mirar aos ollos dos que falan para saber que non me están mentindo. Cando escoito aos políticos dando explicacións sempre noto como na pantalla aparece unha sombra negra e borrosa xusto diante dos seus ollos. Ata os televisores xa se están dando conta de que todos nos están mentindo.
Alfonso Otero Regal
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
