O MINISTERIO DE FOMENTO EMITIU UN INFORME PRECEPTIVO FAVORABLE ÁS TESES DO EQUIPO DE GOBERNO SOBRE O PXOM. ÉSTE ACEPTA BAIXAR A LIÑA DE EDIFICACIÓN NA MARXE DEREITA DA VARIANTE DE BURELA DE 100 A 30 METROS. GONZÁLEZ BARCIA SUBLIÑA QUE SE TRATA DUNHA NOTICIA MOI IMPORTANTE PARA O FUTURO DO CONCELLO.
Burela, 18 de xaneiro de 2013. O Ministerio de Fomento emitiu un informe preceptivo favorable ás teses prantexadas polo equipo de goberno de Burela sobre o PXOM. Dito informe acepta baixar a liña de edificación na zona de variante de Burela, na súa marxe dereita, dos 100 aos 30 metros. O alcalde, José María González Barcia, González Barcia asegura que “se trata dunha noticia moi importante, porque se libera unha superficie duns 300.000 metros cadrados sobre os que non se podía actuar”.
O rexedor dixo que “o Ministerio de Fomento, a través da Dirección General de Carreteras del Estado, acaba de remitirnos ao Concello de Burela o informe preceptivo sobre o plan xeral de ordenación municipal. Ese informe é favorable ás teses que nosoutros prantexamos no PXOM, que foi aprobado de forma inicial a principios de marzo do ano pasado”.
González Barcia subliñou que “este informe ten unha transcendencia especial porque acepta as teses do equipo de goberno actual, do equipo redactor do Concello de Burela, de baixar a liña de edificación, que actualmente en relación coa denominada variante de Burela se encontraba en 100 metros na súa marxe dereita, a que mira cara ao pobo, e queda rebaixada aproximadamente (porque pode haber pequenas oscilacións en función das zonas) a uns 30 metros”. O alcalde burelés explicou que “isto quere dicir que toda esta franxa de solo de 70 metros de ancho por aproximadamente 4.200 metros de largo, que son os que hai desde o linde con Foz ao linde con Cervo, pasan a ter a mesma condición urbanística que tiñan cando se aprobaron as normas subsidiarias de planeamento do ano 1988 e en todo caso pasarán a ter a cualificación urbanística que o plan xeral lles dea cando se aprobe definitivamente. Convén recordar que está aprobado inicialmente, aínda non se aprobou provisionalmente e, polo tanto, mentres o plan non entre en vigor son de aplicacións as normas subsidiarias de planeamento que existían antes en Cervo”.
José María González Barcia indicou que “é unha noticia moi importante porque se libera unha amplísima superficie de aproximadamente uns 300.000 metros cadrados, que agora mesmo sobre eles non se podía actuar precisamente debido á imposibilidade que o Ministerio entendía en base á aplicación da lei de Carreteras do ano 1988 e que grazas a este informe emitido polo Ministerio de Fomento conseguimos recuperar. Isto é un paso importante tamén de cara á aprobación do propio plan xeral de ordenación municipal porque o informe da Dirección General de Carreteras é preceptivo, é dicir o Ministerio está obrigado a emitilo, e tamén é vinculante, o que quere dicir que é de obrigado cumprimento”.
O alcalde tildou de noticia enormemente importante para o Concello de Burela, “agora mesmo ao mellor non somos conscientes da magnitude que ten este informe, pero seguramente que co paso dos anos nos vamos dar conta perfectamente da enorme importancia positiva que ten para o concello de Burela a emisión deste informe por parte do Ministerio”.
O equipo de goberno segue traballando no PXOM, “agora mesmo seguimos en conversas coa Dirección Xeral de Patrimonio Cultural, da Xunta de Galicia de cara á tramitación do plan. E seguimos mantendo a perspectiva de que ao longo do mes de febreiro se pode enviar á Xunta de Galicia o plan para a elaboración da correspondente memoria ambiental”. González Barcia lembrou que “todos os informes que temos no noso poder son favorables”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
