OS SOCIALISTAS PIDEN QUE A XUNTA “ACOMODE” RAPIDAMENTE OS PAGOS Ó CEIP DE CERVO PARA GARANTIR O SERVIZO DE COMEDOR
-Non aceptan a xustificación da administración autonómica “estamos a falar da comida de moitos nenos e nenas, non de papeis que poden agardar”
-Subliñan que “as administracións do PP deixan mermar a cantidade de servizos e a calidade de vida dos cidadáns e piden que o equipo de goberno esixa unha solución urxentemente”
CERVO, 2 DE XANEIRO. Os socialistas de Cervo non aceptan desculpas da Xunta de Galicia en relación á débeda que manteñen co CEIP de Cervo pertencente ó mantemento do servizo de comedor. “É incrible que o único motivo que xustifica este retraso sexa que non tiveron tempo para acomodar os pagos con respecto ó remanente”.
Se o número de comensais aumenta co beneplácito da administración, “esta tería que ter o traballo feito para que os pagos fosen efectivos como deberan ser. A inoperancia por parte dos órganos competentes non a teñen que pagar os máis pequenos. Esiximos que se poñan as pilas e que non teñan que comer nin un só día a base de bocadillos”.
Os veciños están fartos de escoitar sempre o mesmo argumento, “non se pode consentir perder máis servizos co argumento da crise. A crise leva tódalas culpas e non é tanto así. O Partido Popular está facendo as súas ideas efectivas en tódalas administracións que goberna e está mermando a cantidade de servizos e a calidade de vida de tódolos cidadáns”.
A gran maioría dos alumnos do CEIP de Cervo fan uso actualmente do servizo de comedor, “esta forma de actuar do executivo autonómico pode obligar a moitas familias a verse na tesitura de abandonar un posto de traballo para poder levar ó seu fillo ou filla a comer á casa. Moitos pais non terán a oportunidade de compaxinar a vida laboral coa familiar e os tempos non están para desprezar ningún emprego”.
Os membros do Grupo Municipal Socialista de Cervo temen que esta problemática chegue tamén a outros centros educativos, “debe quedar nun problema puntual pero o que comeza no colexio de Cervo tamén pode chegar ó CEIP Nº1 ubicado en San Cibrao. Sería unha mágoa que todo o prometido co gaio da unificación agora caia en saco roto”. Esperan que se solucione o impago canto antes e non suceda noutros centros.
Esta situación é competencia da Xunta de Galicia pero os socialistas engaden que “o equipo de goberno de Cervo algo terá que dicir ó respecto. Parece que ultimamente os problemas non van con eles. Despois de coñecer a situación, ningún membro do goberno deu sinais de vida. Esiximos que dende o Concello se inste á Xunta a solucionar urxentemente o asunto pois estamos a falar da comida de moitos nenos e nenas, non duns papeis que poden agardar.”
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
