VICEPRESIDENCIA REXEITA A REFORMA DA ADMINISTRACIÓN LOCAL PROPOSTA POLO GOBERNO DO ESTADO POR BALEIRAR DE COMPETENCIAS OS CONCELLOS DE MENOS DE 20.000 HABITANTES
De aprobarse as modificacións lexislativas avanzadas polo Executivo central, estes concellos non poderían pór en marcha políticas sociais, turísticas, de fomento do emprego ou deportivas
Antonio Veiga denuncia que o Partido Popular blinda os entes provinciais mentres a maioría da sociedade pide a súa disolución
Lugo, 18 de xaneiro de 2013. Antonio Veiga, vicepresidente da Deputación e delegado provincial de Benestar Social e Deporte, explicou, durante a rolda de prensa posterior á Xunta de Goberno semanal, os motivos polos que a Vicepresidencia da institución rexeita a reforma da Administración Local avanzada polo Goberno do Estado e na que se propón un modelo recentralizador que baleira de competencias os entes locais e reforza duplicidades.
Este rexeitamento xustifícase, segundo Veiga, na “ofensiva unificadora emprendida polo Partido Popular e coa que busca rematar cos concellos e a súa independencia baleirándoos de capacidade para pór en marcha políticas diferenciadas de acordo as súas singularidades. Iso é o que pretende o Estado reservándose a concreción das competencias municipais, os límites para a creación de servizos locais que estarían supeditados ao principio de estabilidade orzamentaria así como a obriga de que as deputacións asuman servizos municipais senón se cumpren determinados estándares”.
Para o vicepresidente “con estas medidas o Partido Popular segue apostando polo control do déficit en lugar de pensar en que é o que máis convén a cada concello para lograr o fin último de garantir o benestar dos cidadáns. O control do déficit continúa a ser o obxectivo prioritario do Goberno de Mariano Rajoy mentres os dereitos dos cidadáns descenden a un terceiro ou cuarto posto. Estas propostas de modificación lexislativa responden á mesma lóxica da Lei de Estabilidade Orzamentaria”.
Veiga advertiu de que de saír adiante esta reforma da Administración Local, a provincia de Lugo sería unha das máis afectadas de todo o Estado en canto establece que os concellos con menos de 20.000 habitantes, que son todos os lucenses agás a capital, terían que deixar en mans da Deputación Provincial servizos municipais que non cumpran os estándares de calidade que se establecerán mediante Real Decreto. “Coa proposta lexislativa avanzada, un informe dos servizos de intervención sería suficiente para que os concellos non puidesen implementar políticas sociais, políticas turísticas, de fomento do emprego ou mesmo iniciativas deportivas. Sería, polo tanto, indiferente a cor do partido no goberno porque o alcalde e os concelleiros terían nula capacidade de decisión, o que ao mesmo tempo suporía a morte da democracia representativa. O Partido Popular camiña así cara os gobernos dos técnicos, outra das premisas da lóxica neoliberal”.
“Estamos –continuou o vicepresidente- ante unha proposta de reforma que limitaría o desenvolvemento económico e social dos concellos, que decretaría o desequilibrio territorial consolidando veciños de primeira e de segunda atendendo ao concello no que vivan e intensificaría as diferenzas entre o rural e o urbano, pero que sería ilóxica ao consolidar unha institución decimonónica como as deputacións. Mentres a maioría da sociedade pide a súa supresión o Partido Popular empéñase en brindalas dándolle funcións inéditas que, ademais, son contrarias ao recollido no Estatuto de Autonomía que prevé a coordinación das propias deputacións e dos seus orzamentos por parte da Xunta de Galiza”.
Desde a Vicepresidencia aseguran que este modelo incrementa o número de competencias compartidas complicando a xestión e aumentando a conflitividade entre administracións, e continúan apostando pola desmantelamento das provincias, das deputacións e pola organización comarcal do país.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
