A Plataforma de Afectados polos Abusos do Mercado Eléctrico denuncia a aparición de falsificacións de contratos na Mariña

A Plataforma de Afectados polos abusos do mercado eléctrico denuncia que  un veciño de San Cibrao asinou un contrato de subministro nunha oficina de Viveiro  cun axente colaborador da oficina de Iberdrola de Lugo e, pese a firmar unha oferta denominada residencial, activóuselle dito contrato cunha oferta distinta denominada Plan Hogar na cal se lle cobra un 12% máis no período diúrno e ata un 50% máis en período nocturno con respecto aos prezos que realmente asinou.

Tras reclamar en dita oficina comunicáronlle desde a oficina de Lugo que a oferta que el asinou xa non existía e, por iso, se lle aplicou un novo plan de prezos. Dende a plataforma non só puidemos comprobar que no momento da activación de dito contrato a oferta seguía vixente, senón que a outra oferta finalmente aplicada deixou e estar vixente o mesmo día que caducou a oferta asinada.  Recordamos que en caso de que o contrato asinado non se poda dar de alta hai que comunicarllo ó cliente e que,  en  ningún momento, se pode dar de alta con outra oferta sen a sinatura do cliente.

A Plataforma denuncia que “casualmente” este distribuidor de Iberdrola recibe unha comisión máis elevada polo Plan Hogar que lle activou ó cliente que polo plan residencial que si firmara o cliente.

Desde a Plataforma queremos denunciar a gravidade deste caso; xa que se trata dunha falsificación de contrato e, como tal, existe responsabilidade civil e penal. Neste punto, solicitamos a colaboración dos veciños da Mariña e pedimos que se denuncien estes casos  en Industria, nos tribunais e na propia Iberdrola para que poidan emprender medidas sancionadoras contra ditas forzas de ventas.

Na actualidade temos localizados máis casos, pero estamos pendentes de recibir a documentación necesaria para poder  denuncialos, e non son só por parte de Iberdrola, senón que existen máis comercializadoras implicadas. Por exemplo, a clientes de Endesa activóuselles servizos que en ningún momento se firmaran e que supoñen un custe adicional nas súas facturas. Nestes casos a comisión dos comerciais e das forzas de ventas ás que pertencen tamén son maiores se se activan estes servizos.

Parece que neste sector todo vale con tal de comisionar máis ou cobra máis na factura, e isto debemos cortalo de raíz. A Plataforma inicia no mes de marzo charlas en Barreiros, Ribadeo e os distintos barrios de Viveiro e anima á xente que sufrira este tipo de abusos a que se acerquen a dichas charlas para denunciar estes casos.