VEIGA URXE A BARREIRO A EXPLICAR A IMPLICACIÓN DO PPdeG NO ESCÁNDALO DE FINANCIAMENTO ILEGAL DOS POPULARES
O BNG pide a ao presidente dos PP de Lugo que aclare se cree na palabra de Rajoy ou se está do lado dos que piden a dimisión do presidente do Goberno do Estado.
Os nacionalistas proclaman a morte do réxime actual e demandan un novo proceso constituínte no que Galiza sexa recoñecida como pobo soberano
A Mariña, 4 de febreiro de 2013. O responsábel comarcal do Bloque Nacionalista Galego na comarca da Mariña, Antonio Veiga, pide a Xosé Manuel Barreiro, presidente do Partido Popular de Lugo, explicacións sobre a implicación do Partido Popular de Galiza na trama de financiamento ilegal que afecta á súa formación en canto aparece como epicentro deste escándalo.
“Dende a década dos 90 – explica Veiga- o actual portavoz dos populares no Senado ocupa cargos de relevancia dentro do partido e nas institucións polo que é difícil crer que non saiba nada destas irregularidades na contabilidade do partido que representa e nas que Galiza ocupa un papel relevante en canto ten unha implicación directa no caso Gürtel no que quedou claro que o exsecretario de Organización do PPdeG, Pablo Crespo, manexaba unha presunta contabilidade b e compartía comisións con Bárcenas por organizar actos e mitins. Por isto, entendemos que Barreiro debe ofrecer unha explicación aos electores lucenses xa que foron eles os que o situaron como deputado na Cámara Galego nin 1997 e cono senador dende o 2008”.
Dende a formación nacionalista urxen a Xosé Manuel Barreiro a que na súa condición de membro do Comité Nacional do Partido Popular, se manifeste, tamén, sobre as declaracións do presidente do Goberno do Estado, Mariano Rajoy, nas que afirma que nunca recibiu nin repartiu diñeiro negro e que “aclare a súa posición ao respecto, se apoia aos seu presidente e cree na súa palabra ou se pola contra está ao carón dalgúns membros do Partido Popular que piden a dimisión da cúpula do partido.”
Antonio Veiga amosa a preocupación do BNG por este escándalo de financiamento ilegal que afecta á cúpula do Partido Popular pero tamén do Goberno central nun momento de forte recesión cuxas perspectivas de superación son nulas e nun contexto de descrédito da política e dos políticos no que outro dos piares do réxime actual, como é a monarquía, está en crise tras a implicación da Casa Real nunha trama de presuntas prácticas ilegais no Instituto Nóos. “Estamos ante a fin do réxime actual polo que dende o BNG demandamos iniciar canto antes un novo proceso constituínte no que se estableza un novo marco territorial no que se recoñezan os dereitos de Galiza como pobo soberano. So exercendo a nosa soberanía poderemos acadar xustiza económica e social”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
