Carlos Fernández Louzao.- Hai uns días o ministro de facenda, Sr. Montoro, presentou o proxecto de lei para a regulación da administración local. Falando do caso que nos afecta, o Concello de Xove, que conta con 3.512 veciños, o alcalde pasaría de cobrar 54.127’36 euros ó ano máis uns 400 euros en dietas ó mes, que en total son case 60.000 € brutos ó ano (10.000.000 das antigas pesetas) a cobrar 30.000€ brutos anuais, que facendo una conta “así por enriba”, son uns 1700€ mensuais, iso si, con 14 pagas, 12 máis as dúas extras de xullo e decembro. Amáis diso, Xove quedaría cunha soa dedicación exclusiva, no canto das dúas enteiras e dúas medias que ten agora. Polo tanto, dos case 150.000€ que se gastan ó ano en pagar os salarios e a seguridade social desas catro dedicacións, pasaría a gastarse 42.000€ no salario e na seguridade social do señor alcalde; diferenza: 150.000 menos 42.000 dan 108.000€ (ou algo máis de 17.000.000 de pesetas se o prefiren así). Iso si que é aforro!
Pois ben, ó señor alcalde isto non lle parece ben pois considera que o seu traballo non estaría pagado con 30.000€/ano; quéixase que hai dous anos que non ten vacacións, e eu digo: “bueno, será que quere estar en todos os lados”, porque con 8 concelleiros que ten o PP en Xove, ben poden repartir o choio ou?, que hai algún evento deportivo… pois terá que ir a concelleira de deportes; que hai que ir algún acto dalgunha asociación social… pois irá a concelleira de asuntos sociais; que hai algún curso de agricultura ou gandeiría… pois terá que ir a concelleira dese departamento; e así con todo, o que non se pode é considerar que es imprescindible en todos os asuntos que ocorren no concello, que quen é un bo gobernante é aquel que sabe delegar responsabilidades e repartir o traballo na xente que ten por debaixo, e cos concelleiros que ten o PP en Xove, ten xente abondo para facelo.
Igual todo o rebumbio que hai agora, dentro duns días queda en nada, porque se enfadan e alporizan os señoritos alcaldes, poñendose en contra dos que mandan no PP, e claro, os que mandan tampouco queren que se lles poñan en contra os de abaixo que bastante teñen con BÁRCENAS e con todos as leas de corrupción que hai por enriba.
Pero eu agardo que a xente non esqueza o que pensa o noso alcalde: que 1.700€ ó mes limpos non é abondo para una persoa que dirixe un concello con 3.512 veciños. Pois sinceiramente, eu penso que é un soldo decente, e tamén penso que hai moita xente que faría de alcalde por ese mesmo soldo.
Non esquezamos tampouco outro aspecto desta pretendida lei para regular a administración local: “O presuposto deste ano so pode ser o 1’7% superior ó do ano pasado”. E que facemos entón cos 2.000.000 de euros que ten o concello aforrados?!, porque so falta que veña algún espabilado dos de enriba e diga: “Bueno, Viveiro debe cartos e Xove ten ahí dous millóns que non pode gastar… pois para Viveiro!”.
Non poderían estar invertidos eses dous millóns que están ahí no banco en ampliar o polígono, invertidos en sistemas para atraer empresas que traian postos de traballo e beneficios ó noso concello, cedendolle terreos gratis por un tempo, facendolles reducións fiscais…? Porque hai que prepararse para cando Alcoa peche, que non será mañá, nin o ano que ven, pero algún día pechará, e que será de Xove entón se no se invirten cartos para ir asentando outras empresas aquí?
Pénseno e reflexionen que o tema da para moito.
Carlos Fernández Louzao
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
