Elena Candia asegura que a decisión de varios participantes do Plan Lugo Emprega de levar á Deputación ao Contencioso confirma as críticas feitas polo PP

Candia: “A decisión de varios participantes nas probas de selección do Plan Emprega de levar á Deputación de Lugo ao contencioso confirman as críticas feitas no seu día polos populares ”.

Lugo, 23-02-2013 – Logo de saber que varios participantes nas probas de selección do Plan Lugo Emprega levan a Deputación de Lugo ao Xulgado do Contencioso, a voceira do Grupo Provincial do Partido Popular na Deputación Provincial de Lugo manifestou que “a decisión destes integrantes dan a razón as declaracións feitas polo PP no seu momento.

Afirma Elena Candia que dende o inicio, os populares percibiron neste Plan, un programa totalmente inmoral, electoralista e que xogaba coa necesidade da xente, posto que “non tiña sentido algún que o Señor Besteiro ofrecese, pouco antes das eleccións municipais, cando puido facelo dende o comezo da lexislatura, traballo por seis meses a persoas en situación de desemprego”.

Lembra a popular que no Lugo Emprega o Bipartito non respectou a autonomía municipal xa que aos concellos de menos de 5.000 habitantes, na súa maioría gobernados polo PP, non puideron encargarse do proceso de selección de traballadores, tarefa da que se encargou a Deputación, o que demostrou o “sectarismo do Señor Besteiro, do seu afán de colocar a dedo”- manifesta Candia que engade que “de aí que algún Concello fixese no seu día, e agora, reclamacións polas irregularidades detectadas neste Programa”, confirmando tamén as críticas feitas polo PP no seu día.

Engade a popular que “cando se recorre ao Contencioso é porque hai indignación” e afirma que con esta actitude, totalmente electoralista e de manipulación, “ o Señor Besteiro estaba pisando os dereitos dos cidadáns”.