O sábado, día 16 de febreiro, na Casa da Cultura de Alfoz, celebrouse unha gala benéfica para recadar fondos en favor de Cáritas. O Salón de Actos presentou unha media entrada e recadáronse preto de 350 euros, que irán destinados a axudar á xente dos contornos. Na organización deste evento colaboraron o Concello de Alfoz, Cáritas, o Grupo Trípode e Tono Alonso. Para empezar a gala o cantante Tono Alonso, director do Colexio Martínez Otero de Foz, interpretou varias cancións versionando poemas de diversos poetas galegos, algunhas cancións populares e outros temas coa súa estupenda voz e acompañado da súa guitarra. Seguidamente o grupo humorístico Trípode puxo en escea a súa comedia “Cursiño de primeiros auxilios”. No intermedio entre ambas actuacións membros de Cáritas pasaron recollendo os donativos dos asistentes.
Gala benéfica en Alfoz
Relacionado
-
A conselleira do Medio Rural, María José Gómez, asistiu este sábado á celebración do XXXIV Mercado Medieval de Mondoñedo, que se celebra ao longo desta fin de semana
-
A Deputada de Réxime Interior, Promoción do Territorio e Turismo, Pilar García Porto, participou este sábado na Escola da Liga Santaballesa de Vilalba na presentación da programación das XVI Xornadas sobre migración indianas e da XVI Feira do Indiano, que se celebrarán o vindeiro 12 de setembro
-
O Restaurante & Catering Los Olivos, xunto á praia de Navia, organizará o 12 de agosto unha espicha especial para seguir o eclipse desde unha localización destacada, segundo o astrónomo Hugo García Fernández
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
