Lugo, 27 de febreiro de 2013. O deputado lucense do BNG no Parlamento Galego, Cosme Pombo, presentou varias iniciativas no á Mesa desta institución para que sexan tratadas no vindeiro pleno e así “esixir diante da Xunta de Galiza o mantemento das actuais áreas sanitarias da Mariña e Monforte de Lemos con todos os seus servizos e competencias actuais. Non imos permitir que a Xunta continúe a atacar a sanidade pública dos lucenses baixo a bandeira da austeridade, creándolle auténticos dramas a moitos pacientes de desmontárense servizos na Mariña e Monforte para que dependan de Lugo. É intolerable a nula preocupación que o goberno galego ten pola saúde dos lucenses”.
Cosme Pombo recorda que “tanto na comarca da Mariña coma na de Monforte, diante do anuncio da conselleira Beatriz Mosquera de centralizar os servizos sanitarios da provincia nunha Área de Xestión Integrada en Lugo, a poboación manifestou o seu malestar con protestas e conformáronse plataformas cidadás que tratan de evitar precisamente isto. Non obstante, a Xunta de Galiza camiña cara outro lado e dálle as costas á xente nas súas demandas. Desde o grupo parlamentar do BNG queremos suscitar unha fonda reflexión no goberno galego sobre as graves consecuencias que terá esta medida se chega a adoptarse e por iso esixiremos que as áreas sanitarias de Monforte e da Mariña se manteñan como están”.
O deputado do BNG lembrou que “o Hospital da Costa ten asignadas mais de 70.000 persoas, distribuídas en 14 concellos, e que o Hospital Comarcal de Monforte conta con preto de 50.000 usuarios distribuídos en 11 concellos, usuarios que pasarían a ter como primeiro hospital de referencia o Hospital de Lugo, a 100 quilómetros de distancia e dunha viaxe de 90 en coche, no caso de Burela, e moi similar no caso de Monforte. Obrigar á poboación destas zonas a desprazarse esta cantidade de quilómetros para ser atendidos por profesionais de referencia que non atoparían no hospital da súa comarca por estar en Lugo é carecer de sensibilidade algunha. Só pensemos na cantidade de persoas maiores, que son quen maioritariamente usan os servizos de saúde, que non posúen medios de desprazamento propios, no estado do transporte público e na dispersión da poboación: isto é un auténtico drama”.
“Ademais disto, unha centralización dos servizos de saúde en Lugo tería unhas consecuencias negativas para os profesionais sanitarios, xa que os traballadores terían que optar a postos por toda a provincia: o persoal eventual, tendo que inscribirse nas listas de contratación provinciais e tendo que aceptar contratos a máis de cen quilómetros do seu domicilio, baixo a ameaza de penalización. O persoal fixo que accedera ao seu posto despois da publicación do Estatuto Marco e en base á mobilidade funcional, podería ser trasladado a calquera lugar da provincia en calquera momento”- expuxo Cosme Pombo. “E se a isto engadimos que unha centralización suporá, de facto, a paralización dos necesarios investimentos nos hospitais da Mariña e de Monforte, non podemos máis que defender que se manteñan tal e como están as actuais áreas sanitarias”.
Cosme Pombo concluíu que “desde o grupo parlamentar do BNG opoñémonos á creación da Área de Xestión Integrada de Lugo na medida que afasta os servizos dos cidadáns e reduce a calidade asistencial. Ademais, instamos á Xunta de Galiza a que manteña as áreas sanitarias de Monforte e A Mariña con todas as competencias e servizos que teñen na actualidade, garanta a mesma orde de prioridade na cobertura de prazas de especialistas nos Hospitais de Burela, Monforte e Lugo e manteña os cadros actuais e as condicións laborais dos traballadores dos hospitais da Costa e Monforte”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
