O BOP PUBLICA HOXE AS BASES QUE REXERÁN A CREACIÓN DUNHA BOLSA DE EMPREGO NO CONCELLO PARA AXUDA NO FOGAR. O ALCALDE SUBLIÑA QUE O OBXECTIVO É TENTAR REPARTIR A CARGA DE TRABALLO QUE POIDA HABER NO MÁXIMO NÚMERO DE PERSOAS.
Ribadeo, 19 de febreiro de 2013. Hoxe saen publicadas no Boletín Oficial da Provincia as bases que rexerán a creación dunha bolsa de emprego no Concello de Ribadeo para postos de traballo de auxiliar de axuda no fogar.
O alcalde, Fernando Suárez, sinala que “será para cubrir as vacacións do persoal que temos ou para situación esporádicas de incapacidade temporal, permisos ou a acumulación de tarefas de carácter puntual. Todo isto fixo necesario que desde o Concello aprobásemos este regulamento para ir tamén a un modelo semellante ao que xa utiliza desde hai moito tempo o Sergas ou a universidade para tentar repartir a carga de traballo no máximo número de xente posible”.
O rexedor indicou que “creamos unhas bases e a partires de mañá, 20 de febreiro, ábrese un prazo de quince días para que todas aquelas persoas que teñan no seu poder a titulación axeitada, que neste caso é formación profesional de grao medio de atención sociosanitaria ou equivalente ou estar en posesión do certificado de profesionalidade de atención sociosanitaria a persoas no domicilio ou equivalente, ademais de ter, cómo non, o carné de conducir da clase B1 e disponibilidade de vehículo”. Suárez Barcia engadiu que “durante estes quince días está aberto o prazo para que poidan aportar todos os méritos, as titulacións, os cursos, as experiencias que poidan acreditar e despois un tribunal avaliaraos e publicitarase na páxina web do Concello, onde quedarán expostas por orde de puntuación e por ese orde serán chamadas no caso de ter que cubrir unha suplencia, unha baixa, unhas vacacións, etc”.
O alcalde ribadense manifestou que “esta bolsa de emprego créase cunha duración de dous anos e logo cada seis meses pódese proceder á súa renovación no caso de que as persoas estiveran nela tivesen algún mérito a maiores que poidan engadir. Incluso si algunha persoa no seu momento non se incorpora a esta bolsa de emprego e o quere facer podería engadirse, pero pasará a formar parte do final da lista”.
Os/as interesados/as en obter máis información poden dirixirse á páxina web do Concello ou achegarse pola propia Casa do Concello, “onde lles darán máis datos sobre este aspecto. A idea que temos é que o pouco traballo que poida haber abrilo á maior xente posible e que primen os criterios dos méritos e das capacidades”.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
