OS SOCIALISTAS DIN QUE NO PLENO DE ONTE POR PRIMEIRA VEZ PRIMARON OS INTERESES DOS VECIÑOS POR RIBA DO INTERESE PARTIDISTA DO PP
-Amosan a súa alegría tras aprobar a moción presentada polo GMS en defensa dos afectados polos erros nas facturas eléctricas e afirman que “a emenda do PP sumou ideas non suplantou a nosa, como de costume”
-Agradeceron ó goberno a retirada da moción dos populares xa que “contradicía a proposta da alcaldía, que debíamos aprobar para apoiar e amparar ós prexudicados polas preferentes”
CERVO, 9 DE FEBREIRO. Tralo pleno do Concello de Cervo celebrado na tarde de onte, o Grupo Municipal Socialista quere felicitar ó equipo de goberno por que “por primeira vez dende hai moito tempo escoitaron as propostas da oposición, o que quere dicir que escoitaron a unha parte importante dos veciños que levaban obviando anos”.
A emenda presentada polo Partido Popular á nosa moción, mediante a que pedíamos medidas de control por parte da Xunta de Galicia para intervir ante os prexudicados polos erros nas facturas eléctricas e compensar o sobrecusto aplicado a moitos consumidores, “tiña como única pretensión sumar esforzos e non desvirtuar ou suplantar a proposta da oposición. É un feito que agradecemos e agardamos que de agora en diante se repita a menudo”.
Neste senso, subliñan que “desta forma, a nosa proposición foi aprobada polo pleno da Corporación engadíndolle dous puntos a maiores que presentaron os compañeiros do PP. Dous puntos polos que instarán á Xunta a defender e tutelar ós afectados a través de asesoramento, formación e información e loitar para que as empresas non poidan proceder ó corte do subministro eléctrico”.
Ademais de amosar a súa satisfacción polo cambio de actitude do goberno de Cervo, queren agradecer que “aceptasen retirar, a petición do Grupo Socialista, a moción do PP que contraviña á proposta da alcaldía en defensa dos afectados polas participación preferentes. A moción dos populares era oposta a esta proposta que debía de ser aprobada pola defensa de moitos dos nosos veciños”.
Os socialistas destacan que “non lembramos unha conduta tan positiva por parte do equipo de goberno dende hai moito tempo. Desta vez, por fin primaron os intereses dos veciños sobre o interese partidista do PP”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
