A xornada formativa gratuíta Compra Pública Responsable de Produtos do Monte, organizada pola Deputación de Lugo, en colaboración con COPADE e Cova da Terra, e enmarcada dentro das accións do proxecto Madera Justa en Acción, arrinca mañá a partires das 9:30 horas no Salón de Actos do Pazo de San Marcos. O eixe desta acción formativa é a chamada “compra responsable”, consistente na adquisición de madeira e derivados por parte dos organismos públicos, atendendo a criterios de tipo ambiental e social.
As intervencións comezarán coa participación de Ana Ríquez, que presentará o proxecto europeo Linking Europe, e Alessandro Leonardi, que explicará os conceptos de madeira legal, responsable e xusta; ambos forman parte da Fundación COPADE. Tras eles, Begoña Fernández Ruíz, subdirectora xeral de Consumo, explicará os mecanismos que poden adoptar as administracións públicas para introducir os citados criterios sociais e ambientais nos procesos de compra. Durante a xornada tamén se presentará da Guía Europea de Madeira Xusta en Acción, e se analizará o impacto positivo deste xeito de compra.
Beneficios para administracións e produtores
Precisamente os beneficios que pode reportar a compra responsable, tanto para o sector forestal coma para o medio ambiente ou a economía, son os factores destacados polos expertos para avogar por este tipo de prácticas, especialmente nas administracións enmarcadas en zonas produtoras.
A provincia de Lugo é un dos principais produtores de madeira da Comunidade –conta co 35% dos máis de 2 millóns de hectáreas da superficie forestal de Galicia-, e a industria da madeira representa a segunda actividade industrial, sendo unha das tres primeiras actividades xeradoras de emprego nas zonas rurais. Así pois, o papel de grandes compradoras que exercen as administracións pode incentivar ás empresas dos sectores forestal e madereiro a adoptar boas prácticas -favorecendo a inserción laboral, a igualdade de xénero, a integración de persoas con discapacidade, e producindo de forma máis sostible e respectuosa co medio ambiente-. Ademais, a compra responsable contribúe ó mantemento das masas forestais, que inflúen decisivamente na calidade de vida das persoas que viven preto do medio forestal.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
