Ribadeo, 1 de marzo de 2013. ACISA valora de forma positiva a visita cursada nas últimas horas a Ribadeo pola directora xeral de Comercio, Sol Vázquez, para facer entrega dun diploma de recoñecemento á traxectoria de Xoiería Carreira, unha empresa familiar que está a punto de cumprir 81 años.
O Centro Comercial Aberto de Ribadeo e Xoiería Carreira son protagonistas ata o 3 de marzo de A semana do teu comercio, unha campaña organizada pola Dirección Xeral de Comercio da Xunta para render homenaxe aos centros comerciais abertos e aos seus establecementos tradicionais mais lonxevos.
A directora xeral de Comercio subliñou o traballo realizado por ACISA a prol do comercio e dos seus 200 asociados, así como a importancia que teñen os centros comerciais abertos na dinamización das vilas e cidades. Sol Vázquez salientou a programación que realizan anualmente ACISA e o Centro Comercial Aberto de Ribadeo: feiras de stocks e noites abertas, xornadas gastronómicas… Tanto a directora xeral de Comercio como a delegada territorial da Xunta, Raquel Arias, realzaron o bo facer dos negocios locais que souberon adaptarse aos tempos acadando a pervivencia dos mesmos a través da calidade, a profesionalidade e a proximidade aos seus clientes. Ambas puxeron a Ribadeo como exemplo de asociacionismo, xa que ACISA celebrará no 2014 o seu 25 aniversario, e Raquel Arias fixo unha chamada á necesaria colaboración entre administracións e tamén entre estas e as empresas para dinamizar o tecido socioeconómico das vilas.
Jesús Carreira e Mª Concepción Alonso recibiron de mans da directora xeral de Comercio un diploma de recoñecemento á súa traxectoria comercial e profesional en Ribadeo. O presidente de ACISA, Roberto Rivas, aproveitou o acto para entregarlle ao que foi un dos socios fundadores deste colectivo unha figura de cerámica conmemorativa.
A directiva de ACISA agradece a Sol Vázquez, directora xeral de Comercio, e á delegada territorial da Xunta, Raquel Arias, a súa presenza en Ribadeo e agarda seguir colaborando coas iniciativas que estes departamentos leven adiante para potenciar co comercio tradicional ribadense.
Ao acto de onte acudiron a xunta directiva de ACISA, o alcalde de Ribadeo, Fernando Suárez; a concelleira de Desenvolvemento Local e Turismo, Ana Martínez; o portavoz do PP no Concello, Manuel Valín, así coma outros representantes desta formación en Ribadeo.
Este trámite vai dirixido ás familias que presentaron a solicitude de praza durante o período de preinscrición, e deberá completarse de forma presencial nas instalacións da escola municipal. O prazo estará aberto ata o luns 2 de xuño. Lémbrase que a formalización da matrícula é imprescindible para confirmar a admisión do neno ou nena. Ademais, as familias que non solicitaran praza no seu momento poden achegarse ao Departamento de Servizos Sociais do Concello, onde poderán recoller o impreso correspondente.
Estivo organizado pola Asociación Cultural e Artesanal de Mulleres Palilleiras "As Encaixeiras" e contou co apoio do Goberno galego. O porto de Burela foi o escenario no que as palilleiras convocadas amosaron o seu traballo ás persoas que se achegaron. O programa incluiu tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Con motivo desta celebración, acercouse ao seu domicilio a alcaldesa, Efigenia Maseda, como representante do Concello, para agasallalo cunha cesta de produtos variados. A alcaldesa afirma que “cumprir 103 anos é algo excepcional e merece todo o recoñecemento do Concello”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
