Este venres, 22 de Marzo de 2013, a Banda C.C.T.T. Santo Inocencio de Teixeira de Burela, pertencente á ACM Dambara de Burela, ofrecerá o seu tradicional concerto de Marchas Procesionais ás 20:30 horas na Igrexa Parroquial de Sta. María de Burela. A banda interpretará un repertorio renovado, e presentará un nutrido número de novos e novas integrantes, ao tempo que ao seu novo director, logo de deixar este posto o anterior director, Albano González Cancio, que pasa agora a ser un membro máis da agrupación. Ao remate do acto, a asociación invita a todos os asistentes ao acto, e a todos os veciños e veciñas de Burela que así o desexaren, á bendición e inauguración do novo local sito na antiga praza de abastos de Burela (Centro de Asociacións), que lle foi cedido polo concello de Burela para a ampliación da súa oferta musical arredor das 21.30 horas. A Asociación Cultural Musical DAMBARA de Burela quere agradecer públicamente a importante contribución feita polo Concello de Burela coa cesión dun novo local máis amplo e mellor acondicionado para continuar coa nosa labor en prol da música en xeral, e da música tradicional galega en particular.
Concerto de Marchas Procesionais e inauguración do novo local de ACM Dambara
Relacionado
-
As festas de San Ramón e Santa María 2026 de Vilalba celebraranse do 26 de agosto ao 6 de setembro cunha programación musical ampla e diversa presentada pola alcaldesa Marta Rouco e a concelleira de Cultura, Mónica González
-
Karmento chega este sábado a La Conservera de Celeiro
-
O Cupón Diario da ONCE deixou en Foz un premio de 35.000 euros, nun cupón agraciado con esta cantidade no sorteo do mércores 17 de xuño
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
