Compromiso por Galicia presentou este mércores no rexistro da FEGAMP unha iniciativa para o debate sobre o antreproxecto de Lei de Racionalización e Sustentabilidade da Administración Local. A organización galeguista solicitou que a FEGAMP convoque unha Asemblea Xeral extraordinaria para que esta exprese os mínimos que, dende Galicia, debe contemplar a lexislación sobre a futura reforma da Administración local.
Para Xoán Bascuas, o anteproxecto de lei só é “unha cortina de fume para impulsar un modelo de Estado centralista e caduco onde se potencia o papel das deputacións e para avanzar na privatización de servizos públicos, recortando así a autonomía municipal”. Segundo Bascuas o Goberno español, no canto aproveitar a reforma para suprimir as deputacións, “propón todo o contrario, propón o seu reforzamento, dándolle a posibilidade de asumir a práctica totalidade das competencias dos concellos de menos de 20.000 habitantes, e roubándolle á cidadanía dos municipios o acceso cercano e directo dos servizos públicos que se prestan a nivel local”.
A reforma supón unha clara ameaza á continuidade dos concellos do rural, que supoñen o maior número dos existentes no noso país, e que esta proposta do Consello de Ministros non ten en conta nin recolle as particularidades e especificidades do país. Xoán Bascuas cre que no canto de limitar o salario dos alcaldes e das alcaldesas debería limitarse a asignación ao capítulo de órganos de goberno segundo a poboación, limitando de xeito máis efectivo o uso e abuso de dedicacións exclusivas e asesorías varias.
CxG anunciou a celebración dunha xornada de política municipal para o día 6 de abril, onde se tratará este tema, así como o do agrupamento de concellos e valorarase a posibilidade de, no caso de non ter resposta nun mes por parte da FEGAMP, impulsar a convocatoria “dunha xuntanza aberta de concellos galegos para fixar unha posición de país”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
