Desde Galiza Nova da Mariña, ao través do seu responsábel comarcal Senín González Baño, afirman que “non é momento para frivolizar nin facer demagoxia ante o drama social do desemprego xuvenil no noso País” e, ao tempo “non podemos permitir que os principais responsabeis desta desfeita social saquen peito sendo eles propios os responsábeis directos do furto das alternativas laborais para a mocidade”.
En palabras de Senín González, “ningún goberno na historia deste pais acadou tan altas cotas de desemprego xuvenil, dato que paradoxalmente coincide coas xeracións de xente moza máis formadas da historia galega, o Partido Popular é o campión do desemprego”. E engadiu que “facendo unha lectura rápida dos datos na nosa comarca atopamos que unha/un de cada dúas/dous mozas/os non ten posibilidades de atopar o seu primeiro emprego”. “O máis grave”, alertan as mocidades do BNG na Mariña, é que “non se albiscan medidas nin cambios estruturais que viren de rumbo esta política de recortes e de miseria”.
Desde Galiza Nova denuncian que “a única saída real ao drama do desemprego pasa por apostar polos sectores produtivos da comarca, nos que o Partido Popular non acredita e que as NN.GG. descoñecen”. A organización nacionalista alerta de que “nun contexto no que se está cuestionando a continuidade de ALCOA, estamos saíndo a ERE por semana e o Partido Popular pretende desmantelar o Hospital da Costa, o futuro para a mocidade é tan escuro como as finanzas dos populares a en todo o Estado e é imposíbel construír unha saída laboral para as/os mozas/os da comarca”.
Entenden os/as nacionalistas que “A Mariña non pode deixar pasar máis oportunidades e que é o momento de que se apliquen políticas encamiñadas a poñer a comarca a producir, de apostar polo sector pesqueiro, gandeiro e por todas aquelas pequenas e medianas empresas que teñen ducias de traballadoras/es e se encontran en situación límite”.
Noutra orde de cousas desde Galiza Nova A Mariña esíxelle ás NN.GG. de Lugo que aclaren en que punto menten cando din que a grande parte dos membros que veñen de constituír a agrupación local das NN.GG. teñen ou tiveron unha relación laboral co Concello de Barreiros.
Finalmente e en relación ás propostas que o Partido Popular lanzou na última semana, o Responsábel comarcal de Galiza Nova na Mariña pide “fechar o debate con propostas reais e concretas centradas nos problemas das/dos mozas/os da nosa comarca”, ao mesmo tempo indica que “é tempo de propostas urxentes e contudentes e non de remendos nin paliativos que o único que significarían sería unha patada para diante para atoparnos cun problema de ainda maiores dimesións nun breve espazo de tempo”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
