Cervo, 6 de marzo de 2013-A delegación de Igualdade vén de pechar hoxe o prazo para apuntarse naquelas actividades incluídas no programa do Día Internacional da Muller Traballadora que precisaban inscrición. En total, a Concellería anotou a máis de 130 mulleres no Café Bombón e na cea que se celebrará o 8 de marzo.
A edil de Igualdade, Pilar Armada, manifestou a súa satisfacción “pola excelente acollida destas dúas actividades” e ao mesmo tempo, transmitiu o seu desexo de que “o resto de actos que non precisaban inscrición tamén rexistren bos resultados de participación e, o máis importante, que sexan do agrado do público”. E é que hai que destacar que hai outros eventos programados que están abertos e aos que poden acudir todas as persoas que o desexen.
A concelleira di que haberá que agardar ao desenvolvemento das actividades para facer un balance máis exhaustivo pero, cos datos de inscrición na man, “xa se pode facer unha primeira valoración, moi positiva”. Unha acollida que, para Armada, “está directamente relacionada con que este ano as tres asociacións de mulleres traballasen xuntas por primeira vez para organizar os actos deste día tan especial”. É por iso que a edil quixo aproveitar para dar as grazas “ás directivas e ás socias das tres entidades que fixeron posible un programa completo e con estes excelentes niveis de participación”.
Programa
Os actos comezarán ás 16:00 horas cunha homenaxe á muller cervense, e continuarán co Café Bombón para o que xa se pechou a inscrición. Unha actividade que inclúe limpezas de cute nas que colabora a parafarmacia Hedra. A partir das 19:00 horas iniciarase a lectura de manifestos por parte das tres asociacións organizadoras, como son Mulleres de San Ciprián, Alborada e Mulleres Rurais As Espalladoras. Media hora máis tarde comezará un espectáculo con monólogos, historias e maxia. Xa pola noite, a partir das 22:00 horas, terá lugar a cea no restaurante Buenavista, para a que tamén se pechou a inscrición e na que se entregarán os premios do Campionato de Tute e Parchís. A noite rematará cun baile. A Casa do Mar será o lugar central das actividades.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
