O Burela FS Pescados Rubén conseguiu esta tarde un valiosísimo punto ante o histórico ElPozo Murcia (1-1) nun Vista Alegre repleto de cantos de ánimo. A seriedade sobre a pista da escuadra laranxa mantivo baixo control o vendaval levantino, ata con vantaxe no marcador ata o 35, e rozou a perfección nos últimos vinte minutos, con aparicións estelares de Edu. Os de Juanlu finalizan así o seu particular Tourmalet ante a tríada do podio, con boa nota; dous empates na dúas últimas xornadas que lles permiten abandonar o farol vermello e situarse un punto por encima do seu próximo rival, Colegios Arenas Gáldar (8), ao que visitarán o sábado 23, e empatados con Puertollano (9).
Os pupilos de Juanlu plantaron cara ao todopoderoso ElPozo Murcia sen amilanarse. Ante unha presión asfixiante dos visitantes, os laranxas non quixeron ceder nadiña de nada de terreo. Mostráronse serios en defensa e con ganas de sorprender na área rival, con multitude de atrancos interpostos polos de Dúbida. O primeiro perigo claro dos de Murcia chegou no minuto 8, nun pase longo de Miguelín a Álex na liña de meta, ao que chegou tarde; un minuto despois o disparo afastado de Grello chocou co pau e a tentativa de Bebe foi desarmada pola defensa laranxa, con Edu no chan. Volveu aparecer Bebe no 13 de lonxe contra o pau, cuxo rexeitamento a punto estivo de aproveitar de novo ElPozo ao bordo da área. Edu tivo que velas tamén con Franklin (14) e Miguelín (17). As ocasións máis claras para os laranxas, fronte a unha titánica resistencia do rival, foron de Matamoros (minuto 11) e Juanma (17). Iago Míguez tamén xerou certo incerteza nun par de chegadas na medianía desta primeira parte.
Tras o descanso, con fame de gol, ElPozo intensificou a súa avidez. Antes de cumprirse o 22, o Burela FS xa tivera a coraxe e forza suficientes para desbaratar tres embestidas seguidas: Iago Míguez freou a Miguelín fóra da área laranxa; a defensa burelista parou un disparo de Bebe, desde saque de esquina de Adri, e este volveu intentalo de novo desde córner directo ao segundo pau. Unha falta de Matamoros a punto estivo de sorprender a Raúl, nun bote falso segundos despois, sen éxito. A garantía de Edu neutralizó tamén o perigo do mísil de Adri, o man a man con Grello, no 25, e a Paulinho (26). Segundos despois, o pichichi laranxa desencadeaba a éxtase en Vista Alegre poñendo o 1-0, ao aproveitar o pase de Juanma nunha falta con barreira. As pulsacións axitábanse na bancada de Burela, que berrou un espectacular contraataque de Hugo, no 27, que se desinflou ás portas da meta de Raúl. Roldando o ecuador da segunda parte, os galegos tiveron a oportunidade de ouro para o 2-0 nun pase longo de Matamoros ao que non chegou Christian. Con cinco faltas para os de Dúbida, Grello puxo a camiseta de porteiro xogador, no minuto 35, para subir Bebe, segundos despois, o 1-1. Continuaron os visitantes con xogo de cinco, pero onde non estaba a defensa laranxa, estaba o infranqueable Edu. No 38, volveu a oportunidade dos locais a balón parado, nun dobre penalti que dirixiu Juanma e foi pegar ao corpo de Raúl. Os intensísimos segundos da recta final deixaron a histórica igualada en Burela.
Partido correspondente á 20ª xornada de Primeira División en Vista Alegre, presidido pola máxima autoridade da LNFS, Javier Lozano, e o seu homólogo na FGF, José García Liñares. En torno a 1.400 espectadores.
Ficha técnica
Burela FS Pescados Rubén: Edu,Iago Míguez, Mimi, Isi e Matamoros; tamén xogaron Hugo, Juanma, Cesinha, Christian, Nacho Pedraza.
ElPozo Murcia FS: Raúl, Bebe, Adri, Juampi e Franklin; tamén xogaron Álex, Miguelín, José Ruiz, Franklin, Paulinho.
Goles: 1-0, minuto 26, Matamoros; 1-1, minuto 35, Bebe.
Tarxetas: Por Burela FS, amarela para Edu (minuto 5), Nacho Pedraza (minuto 35).
Árbitros: Sanzol Goñi e Urdanoz Apezteguia (Navarra).
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
