O PP reclama ante Pachi Vázquez e Rubalcaba o cese do alcalde de Becerreá e portavoz socialista

A falta de reacción de Besteiro ante os insultos proferidos por Manuel Martínez durante a última sesión plenaria de Becerrea levan ao PP a reclamar ante Pachi Vázquez e Rubalcaba o cese do alcalde de Becerreá e portavoz socialista que incorreu en continuas saídas de ton e insultos.

Insisten en que este tipo de comportamentos denigran a política e incluso inhabilitan ao alcalde de Becerreá na súa función profesional como docente por canto son actitudes de mala educación e de intolerancia pouco democrática.

Lugo, 18 de marzo de 2013.- A inactividade e falta de adopción dalgún tipo de medidas correctivas por parte do secretario xeral do PSOE de Lugo e presidente da Deputación, Jose Ramón Gómez Besteiro, en relación cos insultos proferidos por Manuel Martínez –alcalde de Becerreá e portavoz do PSOE no ente provincial- levan ao Partido Popular a reclamar ante Pachi Vázquez e Rubalcaba o seu cese como alcalde e como voceiro socialista na Deputación.

Os populares, a través do seu secretario xeral, Jose Manuel Balseiro insisten en que este tipo de comportamentos denigran a política e incluso inhabilitan ao seu autor, Manuel Martínez, na súa función como político e tamén na súa profesión como docente, por canto son espello de mala educación e dun elevado grado de intolerancia pouco democrática.

Desde o PP dirixiranse ao secretario xeral do PSdeG e ao dirixente do PSOE estatal, para que teñan constancia deste tipo de actitudes. Non esquezamos que os insultos e as saídas de ton foron as protagonistas do último pleno municipal de Becerreá cando o seu alcalde, perdeu o control e cheo de cólera insultou aos concelleiros da oposición. Todo ante as propostas do Grupo Popular para solucionar o caos urbanístico no que o rexedor socialista mantén a gran parte dos núcleos rurais do concello.

GRAVES INSULTOS
“Palanganero”, “el que primero lo huele debajo del culo lo tiene” ou las navajas de Albacete que no son de Taramundi, caga y vete” facendo referencia ao pai, falecido, dunha edil popular” foron os vocablos empregados por Martínez, uns insultos que faltaron totalmente ao respecto e que levaron aos populares a abandonar o pleno.