Esta proba que se presentou hoxe na Deputación disputarase o 18 de maio con saída e chegada a Piornedo e con 146 km e 3.600 metros de desnivel coa temible subida ao alto do Pan do Zarco
Lugo, 23 de abril de 2013. O vicepresidente nacionalista da Deputación de Lugo e delegado de Benestar Social e Deporte, Antonio Veiga, presentou esta mañá a segunda marcha cicloturista “Descubre a Montaña Lucense – Gran Fondo Pan do Zarco – 2º Desafío Ezequiel Mosquera, unha marcha cicloturista de 146 quilómetros e 3.600 metros de desnivel acumulado que transcorrerá polos concellos de Cervantes, Becerreá, Navia de Suarna e Pedrafita. Esta proba amateur está organizada polo Club Deportivo Amigos de Ezequiel Mosquera e conta co apoio e patrocinio da Área de Deportes da Deputación de Lugo e os concellos polos que transcorre a proba, ademais de múltiples patrocinadores privados e outros deportistas de alto nivel que estiveron arroupando a Ezequiel Mosquera nesta presentación na Deputación de Lugo, coma o adestrador do RC Deportivo, Fernando Vázquez, que o ano pasado tentou o ascenso ao Pan do Zarco pero quedouse ás portas.
Antonio Veiga, vicepresidente da Deputación de Lugo, afirmou que “estamos diante dun evento deportivo que constitúe todo un reto para os ciclistas, nun dos portos de montaña sen dúbida máis duros do noso país e do resto de España. Este tipo de probas teñen unha repercusión deportiva altísima, non hai máis que ver a cantidade de amigos de Ezequiel Mosquera que se congregaron hoxe aquí só para esta presentación, e seguro que acada unha participación e repercusión máis alta que o ano pasado. Ademais, hai que ter en conta que constitúe unha oportunidade turística e de posta en valor do noso territorio enorme, que nos serve para facernos conscientes da riqueza natural e paisaxística que en Galiza atesouramos”.
Na presentación desta “Descubre a Montaña Lucense – Gran Fondo Pan do Zarco – 2º Desafío Ezequiel Mosquera”, que conduciu o xornalista Terio Carrera, tamén participaron o propio Ezequiel Mosquera; Fernando Vázquez, padriño da proba e adestrador do R.C. Deportivo da Coruña; Xosé Manuel Oliveira, presidente do CD Amigos de Ezequiel Mosquera e do comité organizador da proba; Ricardo Terceiro, representante Federación Galega de Ciclismo; e Manuel Martínez, e José Fernández, alcaldes de Becerreá e de Navia de Suarna. Ademais, numerosos deportistas de elite estiveron arroupando esta presentación como os irmáns Vallejo ou o piloto Pedro Burgo, e o ciclista Delio Fernández, que vén de Gañar o Gran Premio Liberty Seguros en Portugal.
Tal e como relatou Fernando Vázquez, “a veces son necesarias oportunidades deportivas e recreativas coma estas para subirse a unha bicicleta e percorrer lugares que nin nós mesmos sabíamos que existían. De verdade, fan falta probas coma esta para que nos deamos conta do fermoso país que temos”.
Pola súa banda, Ezequiel Mosquera agradeceu a todas as persoas e institucións que dunha maneira ou doutra poñen o seu grao de area no “inxente traballo de organización que conleva poñer en marcha unha proba deste tipo, unido á dificultade de facer que a propia saída e chegada sexan en Piornedo de Ancares, pero é aí onde radica a grandeza desta carreira e deste deporte, a oportunidade que se dá a través de percorrer as montañas dos Ancares e situalos no mundo, subindo a un dos portos máis duros de España. Tiñamos que sacalo do anonimato e poñelo en valor, algo que creo que o conseguimos grazas a todos”.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
