O delegado de Cultura e Turismo da Deputación de Lugo anunciou hoxe, na rolda de prensa posterior á Xunta de Goberno da Deputación, que pasadomañá, mércores 3 de abril, inaugurarase na Sala de Exposicións da Deputación a mostra sobre os “25 anos de ARTESONADO” a revista cultural editada pola Asociación de Antigos Alumnos da Escola de Arte “Ramón Falcón”. Mario Outeiro afirmou que “neste ano 2013, cúmprense 25 anos de vida de ARTESONADO, algo que non é habitual neste tipo de publicacións culturais periódicas, e por iso, pola súa rareza e contribución ao mundo cultural lucense, pareceunos unha ocasión digna de se celebrar cunha exposición e un conxunto de actividades complementarias, co desexo de continuar, ano tras ano, facendo que a súas páxinas sexan o escaparate onde se poida atopar a obra ou referencia cultural que teña relación co arte e a cultura na cidade de Lugo”.
A Asociación de Antigos Alumnos encárgase da realización, maquetación, estudo de contidos e petición de colaboracións, edición, distribución e difusión da revista, que se envía gratis a bibliotecas, centros galegos, escolas de arte, concellos, agrupacións culturais, sociedades recreativas e culturais, escolas, tendas de publicacións, etc., sendo os destinos fundamentalmente en Galiza, e diversos lugares de España, Arxentina, Canada e EE UU.
Desta revista Artesonado edítanse 800 exemplares de cada número acompañados de 800 serigrafías orixinais, numeradas e asinadas unha a unha polo autor, que fai a obra desinteresadamente para cada número, sendo impresas nos talleres de serigrafía da Escola de Arte e Superior de Deseño “Ramón Falcón” como colaboración gratuíta coa Asociación.
Mario Outeiro destacou que “desde o primeiro momento a Asociación considerou importante colaborar na normalización do galego, de xeito que a maior parte dos artigos están escritos no noso idioma”. O seu contido esta orientado a dar testemuña dos acontecementos culturais máis relevantes, tanto dentro do nosa contorna como fora dela, no eido da arte, así como as actividades anuais da asociación.
Dentro das actividades paralelas, o mércores, 17 de abril, ás 20:30 horas o historiador e secretario da Asociación, Adolfo de Abel Vilela, falará sobre “Visión Artística de 25 Anos de ARTESONADO”. O seguinte mércores, 24 de abril, ás 20:30 horas: Concerto de música clásica a cargo de Maria Isabel Senn (violín); Saul Nogareda (violonchelo) e Diego Fernández Vilela (flauta traveseira).
Rexeitamento
Por último, Mario Outeiro transmitiu a súa máis enérxica condena ao asasinato dunha muller en Lugo, vítima do terrorismo machista. O nacionalista enviou a súa solidariedade e apoio á familia e amizades da muller asasinada no día de onte.
O delegado de Cultura e Turismo fixo un chamamento á sociedade galega para manifestar publicamente o rexeitamento á violencia de xénero, malia non poder participar presencialmente na convocatoria de hoxe diante do Concello de Lugo por coincidir con esta rolda de prensa, o maior síntoma de desigualdade entre mulleres e homes, e apela a mostrar unha actitude de tolerancia cero co silencio e coa complicidade. As accións particulares, das persoas que coñecen os casos de violencia e de quen poida presenciar ou detectar agresións son achegas imprescindíbeis para loitar contra o terrorismo machista.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
