-O Padroado aproba as contas do ano pasado cun grado de execución do 99,19%, o cumprimento de estabilidade orzamentaria e un prazo de pago a provedores de 16,6 días
-Gómez Besteiro destaca a optimización de recursos e oesforzo económicopara garantir unha educación pública e de calidade coa gratuidade da matrícula
-O compositor musical Arturo Vaquero tomou posesión como patrón experto no sector xunto ó director Jorge Coira, que repite no cargo
O Padroado da Fundación TIC, dependente da Deputación de Lugo, analizou este luns a memoria de actividades do ano 2012, no que superou o seu récord con máis de 550 accións enmarcadas na educación pública. Na sesión, á que se incorporou como novo patrón o compositor Arturo Vaquero, tamén se aprobou a conta anual do pasado exerciciocun grado de execución do 99,19%do presuposto, que ascendeu a 1.635.505 euros e que cumpre co obxectivo de estabilidade orzamentaria.
Neste senso, o Presidente da Fundación e da Deputación, José Ramón Gómez Besteiro, incidiu en que “2012 foi o ano no que a Fundación TIC desenvolveu máis actividades, accións formativas e bolsas de emprego en toda a súa historia. E todo isto co mesmo presupostode anos anteriores, o que demostra que en época de crise, e cunha boa xestión, se poden optimizar recursos e cubrir máis necesidades”. O titular provincial subliñou que estaboa xestión tamén se reflicte en datos como o prazo medio de pago ós provedores, que se situou en 16,6 días, fronte ós 60 de máximo que establece a lei.
Ensino público e de calidade
A Fundación TIC mantivo en 2012 a gratuidade de matrícula, agás para os repetidores, dentro da súa aposta por unha educación pública e de calidade a través da Escola de Imaxe e Son (EIS), o único centro da provincia que imparte ensinanzas da rama audiovisual.“Neste momento de dificultades económicas, no que as administracións debemos priorizar o destino dos fondos públicos, consideramos quea educación pública e de calidade é un dereito básico”, apuntou o máximo responsable provincial.
O Presidente da TIC afirmou que “todas as actuacións desenvolvidas ó longo do pasado ano están estreitamente vinculadas entre si e teñen como eixevertebrador un modelo formativo propio co obxectivo proporcionar ó alumnado da Escola unha formaciónencamiñada a súa inserción laboral, que é a nosa máxima prioridade”.
Para acadar este fin, fíxose especial fincapé naquelas actividades que proporcionan ós alumnos e titulados unha preparación en escenarios reais. Cabe destacar, entre outros exemplos, a participaron dos estudantesno vídeoclip“Lávate as mans”, que empregaron o Ministerio de Sanidade e a Organización Mundial da Saúde en campañas de sensibilización e a realización da III Gala Lucus Moda que se emitiu en varias canles de televisión.
Por primeira vez, bolsas no estranxeiro
O ano pasado a Fundación tamén incidiu nun dos seus sinais de identidade: o contacto directo do alumnado, desde o comezo da súa formación, con empresas e institucións vinculas ó sector multimedia.Neste senso, acadáronse 76 acordos con prestixiosas empresas a nivel nacional, que colaboran coa TIC a través deprácticas e bolsas de emprego que facilitan ós alumnos o seu primeiro contacto co mundo laboral.
Precisamente en 2012 incluíronse por primeira vez as bolsas de emprego Leonardo da Vinci, financiadas nun 70% pola Unión Europea. Destinadas a titulados da EIS, son axudas para a realización de prácticas en empresas de Irlanda, Italia e Portugal.
Difusión nacional e internacional da provincia
Polo que se refire á promoción da cultura, o deporte e o turismo da nosa provincia, a TIC elaborou traballos audiovisuais e reportaxes que foron difundidos a través de canles de televisión, emisoras de radio, xornais dixitais e axencias de noticias. Nalgúns casos, como o Km0 Surf-CampDeputación de Lugo, a súa proxección acadou un ámbito internacional coa emisión dunha reportaxe elaborada pola Fundación no programa Desde Galicia para o Mundo, que se emite en Europa, América e Asia.
Ademais, aumentouse nun 55% o número de convenios de colaboración con asociacións e empresas TIC para difundir o seu labor a través de produtos audiovisuais. ElaboráronseDVDs do 40º aniversario de AUXILIA, da III Gala Benéfica de UNICEF, do Proxecto Danza ou do programa educativo “Preescolar na casa”. Tamén se realizaron 43 vídeos promocionais das empresas integradas na Asociación Empresarias de Lugo e graváronse os partidos do Emevé, entre outras moitas actividades.
Transparencia e cooperación cos Concellos
Por outra banda, Gómez Besteiro dixo que “dentro da nosa política de transparencia, a Fundación afondou o ano pasado na súa apertura á sociedade lucense”. Unha das iniciativas máis destacadas foi a xornada de portas abertas Habertic. Ademais, pasaron polas instalacións da TIC máis de de 1.100 persoas, sobre todo alumnos de centros educativos e participantes no programa Km0.
Outro dos piares das actividades desenvolvidas en 2012 foi a prestación de apoio técnico e formativo a Concellos da provincia e a entidades públicas e privadas para accións vinculadas ó sector multimedia. Taménse levaron a cabo iniciativas encamiñadas a achegar ós lucenses a sociedade das novas tecnoloxías, como o código QR, que permitiu ós veciños que participaron no ISF 12 Incursión no San Froilán descargar ó momento vídeos no seu móbil.
No capítulo de investimentos, e logo do importante esforzo dos últimos anospara reestruturar as instalacións e adquirir un equipamento moderno e acorde coa realidade laboral, en 2012 adquiriuse un equipo de streamrecorder. Deste xeito, os estudantes participaron na retransmisión de actividades a tempo real a través da internet. Ó mesmo tempo, grazas ó streaming, a entidade ofrece ós cidadáns un servizo público que lles permite ver en directo a través dos seus dispositivos móbiles, actividades como as sesións plenarias da Deputación ou o Encontro Internacional de Baristas.
Renovación dos patróns expertos no sector
A reunión do Padroado asistiron ós representantes dos tres grupos provinciais e renovouse, como cada catro anos, ós patróns expertos do sector. Nesta ocasión, repite no cargo o director Jorge Coira e incorpórase Arturo Vaquero, en substitución do produtor José María Besteiro. O compositor musical e responsable do estudo de son Abrigueiroten unha acreditada experiencia que conta con numerosos recoñecementos. Entre eles, destaca unha candidatura en 2010 a un premio Goya á mellor canción por “Agallas vs. Escamas” e o premio Mestre Mateo 2013 á mellor música orixinal da longametraxe de animación “O Apóstolo”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
