• Das conclusións acadas cos expertos, os populares farán un plantexamento na mesa para o desenvolvemento económico da zona que se celebrará o vindeiro sete de maio
• Os populares transmitirán a necesidade de reforzar a oficina de turismo, o uso das novas tecnoloxías (web oficial) e o consenso entre a administración local e o sector privado e as institucións relixiosas dun horario operativo e eficaz para o visitante
• Así, a pretensión dos populares pasa por lograr o acercamento entre a administración pública e os emprendedores para, en común, asentar as bases para o fomento do turismo local
Mondoñedo, 29 de abril de 2013- O Partido Popular de Mondoñedo, a través da súa voceira local, Elena Candia, quere amosar a súa satisfacción polo resultado acadado na mesa de traballado celebrada esta fin de semana na Casa da Xuventude local, que tivo por obxectivo estudar, a través de espertos turísticos, as liñas estratéxicas para o desenvolvemento do sector no municipio.
Esta mesa naceu cun fin que foi o de estraer as conclusións benefactoras para a reactivación local, que “plantexaremos na mesa para o desenvolvemento económico na que participará a Consellería de Industria e que se celebrará o vindeiro 7 de maio, ás 10:00 horas”.
Neste senso os populares transmitirán tres ideas principais que permitirán aproveitar o potencial turístico que ofrece a localidade. A primeira delas, é a necesidade urxente de que a administración local reforce a oficina de turismo de Mondoñedo, así os populares solicítanlle ao equipo de goberno local que realice as xestións necesarias para acadar este fin.
Do foro de debate, tamén se fixo fincapé sobre a necesidade de aproveitar os recursos que non supoñen unha forte inversión económica para dar a coñecer a localidade. Deste xeito, o grupo popular instará á administración local a que aproveite o uso das novas tecnoloxías e cree un portal web. Para elo, os populares refiren a utilización que o concello pode facer do programa Innovate, ofertado pola Deputación de Lugo.
Por último, os populares instarán a administración local a que coordine un horario operativo e eficaz con todas as entidades implicadas no turismo local, como son os empresarios privados e as institucións relixiosas, xestoras de gran parte do patrimonio cultural, como é a Catedral e o Museo.
En resumo, a pretensión dos populares pasa por lograr o acercamento entre a administración pública e o emprendedores para en común asentar as bases para o fomento do turismo local. O PP local ten coñecemento de que existen tres proxectos vinculados co sector turístico en Mondoñedo, así “queremos que os axentes dinamizadores e as entidades da administración con capacidade para elo, ofrezan os seus coñecementos e a súa dispoñibilidade”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
