Foz, 26 de abril de 2013. A xunta directiva da asociación de comerciantes, industriais e autónomos de Foz agradece a participación nos actos conmemorativos do 25 aniversario do colectivo de representantes de diferentes institucións (Xunta de Galicia, Parlamento galego, Deputación Provincial de Lugo, Mancomunidade de Municipios da Mariña e Concello focense), das Acias doutras localidades da Mariña (Ribadeo e Burela), dos medios de comunicación da zona e do empresariado local.
As actividades empezaron cunha mesa redonda celebrada na casa de cultura que contou coas intervencións dos ex presidentes de Acia Foz, Suso Fernández e Manuel Alberto Fraga, e do actual, José Carlos Paleo; do presidente da Federación Galega de Comercio, José María Seijas, da delegada territorial da Xunta na provincia de Lugo, Raquel Arias; do vicepresidente primeiro da Deputación Provincial, Antonio Veiga; da vicepresidenta segunda da Deputación, Lara Méndez; e do alcalde focense, Javier Castiñeira. O acto contou coa actuación musical de Arcadio Mon e María Galdón.
Posteriormente celebrouse unha cea no hotel restaurante Leytón, na que participaron máis de cen persoas e no transcurso da cal foron entregados os premios aos mellores clasificados na décima edición da ruta de tapas organizada por Acia Foz. O cuarto premio, que recibiu a Cafetería Pastelería Anduriña, de María Oliva Trigo Fernández e José Ramón Río Castro, foi entregado por José Carlos Paleo. O terceiro premio, que correspondeu á Cafetería Pastelería Restaurante Xoima, de Ángeles Piñeiro Basanta e Fernando López Díaz, entregouno José María Seijas. O segundo premio, logrou o Restaurante A Maseira, de Remedios García Rodríguez, foi entregado por Manuel Alberto Fraga. E o primeiro premio, que foi para A Casa da Roxa, de Mari Carmen García López e Herminio Barreira García, entregouno Suso Fernández.
O alcalde entregou un obsequio do Concello ao presidente de Acia Foz en lembranza desta celebración do 25 aniversario e a velada rematou coa actuación musical de J. Santana.
Todos os asistentes á cena recibiron un agasallo conmemorativo de Acia Foz e os establecementos asociados recibirán nos vindeiros días un regalo da Vicepresidencia Primeira da Deputación Provincial de Lugo.
Premios II Ruta dos Viños
Por outra banda, esta mañá tivo lugar a través de Radio Foz, o sorteo dos premios que puxo en xogo a Asociación de Comerciantes, Industriais e Autónomos dentro da segunda Ruta dos Viños que tivo lugar hai unhas semanas.
O primeiro premio consistente en 300 euros en vales para gastar na hostalería local que participou na ruta foi para Mercedes Bouza Rego, que ademais recibirá o diploma de Ruteira maior. O segundo premio dotado con 150 euros foi para Emilio Acebo Losada. E o terceiro premio composto de 4 vales por importe de 100 euros cada un foron para Mónica Fiallega Gómez, Hilario Manuel Fiallega Campos, Nieves Díaz Iglesias e Rosi Calvo Gutiérrez.
Estes premios sorteáronse entre os clientes que selaron a tarxeta nos 29 locais participantes na II Ruta dos Viños.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
