Lourenzá, 26 de abril de 2013. A alcaldesa de Lourenzá, Emma Álvarez Chao, reuniuse co secretario xeral de Cultura da Xunta, Anxo Lorenzo Suárez, para pechar o calendario de actividades que se desenvolverán no municipio este ano para conmemorar o centenario do nacemento de Francisco Fernández del Riego. Os actos, nos que tamén colabora a Fundación Penzol, serán os días 17 de maio, 25 de xullo, 2 e 26 de novembro.
A rexedora municipal lembrou que “o pasado 15 de febreiro o pleno do Concello de Lourenzá adoptou o acordo de dedicarlle o ano 2013 a don Francisco Fernández del Riego, que foi fillo predilecto do noso concello. Preténdese levar a cabo unha serie de actividades culturais e para iso escollemos cinco datas que foron cruciais na vida de don Paco e que están vinculadas con Lourenzá: unha delas foi o pasado 7 de xaneiro, data na que xa o recordamos por ser o día do seu nacemento”.
Emma Álvarez anunciou que o día escollido para seguinte actividade é o 17 de maio, “data moi importante para a lingua galega pero nós vamos centrar os actos en don Paco, porque no ano 1987, despois da Ditadura e tras recuperarse a democracia, viaxou por primeira vez a Lourenzá porque foi invitado polo Concello para descubrir unha placa na súa casa natal, que está na praza Linares Rivas. Tamén o mesmo día 17 de maio, pero dez anos máis tarde, no 1997, fixo entrega á biblioteca municipal Juana de Ibarbourou dun importante legado de fondos bibliográficos que foron incrementándose ano tras ano. Para conmemorar este día e vinculalo á súa figura temos pensado facer unha ruta literaria polos principais recunchos da nosa vila, para o que vamos empregar unha preciosa biografía de don Paco titulada Lourenzá, onde vai relatando as vivencias e os recordos da súa nenez e adolescencia nesta súa terra natal”.
O seguinte día escollido para facer actividades dedicadas a Fernández del Riego en Lourenzá é o 25 de xullo, que “é o Día de Galicia e no ano 1931 aconteceu un feito transcendental na vida do noso concello, xa que don Paco pronunciou dende o balcón municipal unha proclama conmemorativa respecto ao Día de Galicia. Por ese motivo o que estamos pensando, coa colaboración da Secretaría Xeral de Cultura e da Fundación Penzol, é recuperar o texto desa proclama que fixo dende o balcón e tratar de reproducila o vindeiro 25 de xullo”, explicou a alcaldesa.
A penúltima data elixida é o 2 de novembro porque, segundo lembrou a rexedora, “ese foi o día no que no ano 2001 don Paco foi nomeado fillo predilecto do Concello de Lourenzá. Para celebrar esta data contaremos, unha vez máis, coa colaboración da Fundación Penzol e da Secretaría Xeral de Cultura para expoñer unha mostra que está a realizar neste momento a Fundación Penzol e que leva por título Francisco Fernández del Riego, 100 anos. Ao mesmo tempo temos pensado facer unhas conferencias onde destaque a figura de don Paco non soamente como historiador e galeguista, senón tamén como persoa vinculada a noso concello”.
As actividades do ano dedicado a Francisco Fernández del Riego rematarán o 26 de novembro, que é o día do seu falecemento “e estamos pendentes de mirar que actos se van desenvolver nesa data”, explicou Emma Álvarez.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
