Burela, 29 de abril de 2013. O alcalde, José Mª González Barcia, e a concelleira de Xuventude, Beatriz Piñeiro, participaron hoxe na clausura e entrega de premios dos quintos Encontro de Banda Deseñada do IES Perdouro, de Burela. Ambos manifestaron “o recoñecemento ao centro por poñer en marcha iniciativas pedagóxicas que son novidosas respecto ao que é tradicional”.
O rexedor entende que “o quinto Encontro de Banda Deseñada é unha aposta pola formación dos alumnos na campo da expresión e da comunicación co mundo que nos rodea. E evidentemente hai un feito que xa está constatado e é que nós vamos apoiar na medida das nosas posibilidades este tipo de iniciativas tanto no IES Perdouro como en calquera outro porque para nós é importante que os centros de ensino de Burela arranquen iniciativas educativas importantes e temos a obriga clara de apoialos. Nese sentido a axuda que se lle deu ao IES Perdouro neste tema foi colaboración en canto á utilización de locais e ao uso de materiais”.
González Barcia sinalou que “como obxectivo común dos centros de ensino e do propio Concello búscase formar persoas que no seu momento poidan ser instrumentos que melloren a calidade de vida dos membros da sociedade na que vivimos. Unha desas fórmulas pasa pola implantación de modelos educativos que son distintos aos que habitualmente coñecemos, pero que poden dar os seus froitos sempre e cando teñan o apoio das institucións e da sociedade en xeral. Nese sentido un deses modelos é o quinto Encontro de Banda Deseñada que o fixo este centro, pero calquera outro pode iniciar calquera outro tipo de actividades máis ou menos similar”.
Tanto o alcalde de Burela como a concelleira de Xuventude insistiron en que “o Concello vai estar apoiando calquera iniciativa deste tipo, porque cremos que sirve para mellorar a calidade do ensino que se lles dá aos alumnos dos centros que están aquí situados e, por outra parte, mellorar a súa formación, con todo o que iso representa de cara ao futuro en canto a eles actúen como persoas adultas no marco das súas responsabilidades como tales”.
Xosé Tomás
Nesta ocasión, e para pechar estes Encontros, contouse coa presenza do recoñecido ilustrador e artista coruñés Xosé Tomás. Da súa man fixeron unha entretida viaxe ao redor do mundo da Banda Deseñada, das viñetas, dos planos, dos ángulos… todo isto e moito máis captou a atención de todo o público que se viu inmerso no apaixonante mundo do cómic. A continuación entregou os premios aos gañadores e gañadoras das distintas categorías no concurso que se convoca cada ano, despois de felicitalos pola gran calidade dos traballos presentados. Os galardóns foron para alumnos e alumnas do CEIP de Cervo, do IES San Rosendo de Mondoñedo, do IES Perdouro de Burela e, na categoría libre, para participantes de Arxentina e A Coruña.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
