Foz, 22 de abril de 2013. A campaña As compras na túa vila teñen premio, que se desenvolverá en Foz desde hoxe e ata o vindeiro 3 de maio, repartirá 2.000 euros en premios. Está organizada pola Federación Galega de Comercio, a Federación de Comercio de Lugo e a Asociación de Comerciantes, Industriais e Autónomos de Foz.
O presidente de ACIA Foz, José Carlos Paleo, sinalou que “estamos a celebrar o 25 aniversario da asociación de comerciantes e esta semana comezan os actos conmemorativos con esta campaña, que agora presentamos, de dinamización do comercio local. O xoves teremos o acto central de celebración deste aniversario, no que escoitaremos aos presidentes que tivo o colectivo, e á noite compartiremos unha cea para rememorar estes 25 anos”.
Paleo dixo que “o comercio atópase nunha situación delicada e temos que potencialo e dinamizalo e unha das formas na que podemos facelo é realizar pequenas actividades e actuacións que axuden a mellorar un pouco este momento. É moi difícil chegar a final de mes, a actividade nas empresas é cada vez máis pequena, os autónomos tamén están a sufrir as consecuencias desta crise. Temos que animarnos, temos que seguir e a forma máis sinxela é facer todas as actividades que poidamos mes a mes”.
O presidente da Asociación de Comerciantes de Foz tivo palabras de agradecemento para a Federación Galega de Comercio “porque este é o segundo ano que esta campaña se fai en Foz, agradecemos o esforzo da federación por comezar en Foz a sexta edición desta iniciativa. Pensamos que esta campaña axudará a mover as vendas do día da nai na nosa vila, iso é o que agardamos”.
O acto de presentación da campaña As compras na túa vila teñen premio tivo lugar esta mañá na carpa instalada nas inmediacións do Concello de Foz e nel participaron tamén o presidente da Federación Galega de Comercio, José Mª Seijas, e o alcalde de Foz, Javier Castiñeira. Ambos recoñeceron o traballo de José Carlos Paleo e felicitaron a ACIA Foz polo seu 25 aniversario.
Este xoves recibíuse unha comunicación da Casa Real, felicitando pola consecución da Copa da Raíña 2025.
A mostra 'Universo Vizoso' permanecerá aberta ao público ata o 8 de xuño no Centro Sociocomunitario.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou este sábado a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
O conselleiro do Mar asistiu este sábado á charla sobre ‘Saúde, Deporte e Empresa’ que impartiu Juan Corbalán no centro sociocultural Avelino Díaz.
Categoría infantil: 1° Premio: Paula Martínez. 2°: Valentina Blanco. 3°: Empate entre Alejandra Castro e Saúl Tourón. Categoría primaria: 1° Premio: Lucy Fernández. 2°: Lily Fernández. 3°: Laia Rodríguez. Categoría adultos: 1° Premio: Tomás Mariño. 2°: Iria Baltar
Abordaron as necesidades deste municipio e avaliar posibles vías de colaboración desde a Xunta que contribúan á execución de proxectos conxuntos no marco do compromiso do Goberno galego coas entidades locais.
