Burela, 20 de abril de 2013. O alcalde de Burela, José María González Barcia, leva desde a súa toma de posesión tentando resolver o expediente de legalización das obras da pista de pádel, dado que o bipartito fixo as mesmas sen a preceptiva autorización da Xunta de Galicia. As obras que se realizaron non se axustan á legalidade, xa que foron feitas sen que a Xunta emitise o seu informe, vinculante en todo caso, dado que a pista atópase en dominio público de protección de costas.
Nunha comparecencia a carón da pista de pádel, e tendo en conta que a día de hoxe a indicada obra segue sen ser legal, porque se fixo sen a previa autorización da Xunta, González Barcia, acompañado dos concelleiros de Deportes, Beatriz Piñeiro, e de Obras, Manuel Fernández Valle, diríxelles unha pregunta directa ós grupos da oposición, integrantes do bipartito que fixo a obra: “Que facemos coa pista de pádel?”.
Para González Barcia, “son os grupos da oposición os que nos deben dicir qué facemos agora, porque levamos vinte meses dándolle voltas a este expediente; enviouse documentación, o expediente foi revisado en Lugo por min mesmo o pasado luns, e non atopamos solución”.
O alcalde esíxelles ós grupos da oposición que “respondan canto antes dado que foron eles os que plantexaron e construíron a obra, aínda que a nós só se nos ocorren tres solucións. A primeira delas pasa por demoler a pista de pádel, porque non é legal nestes momentos. Algo que non nos gustaría facer, porque privaríamos ós afeccionados a este deporte da súa práctica nas instalacións da Marosa, e logo aínda alguén tería a osadía de tacharnos de favorecer empresas privadas”.
Segundo o primeiro edil, “a segunda opción, debería de pasar por legalizar a obra. Tendo en conta que nós non atopamos, de momento, solucións, logo de vinte meses, e tendo en conta que os grupos da oposición foron os que fixeron unha obra que agora non é legal, que nos digan os pasos a seguir”.
Para González Barcia, “existe unha terceira solución: que os grupos da oposición nos digan a onde podemos enviar o expediente que obra no Concello, porque podería haber instancias realmente interesadas en indagar sobre este asunto. Tendo en conta que a ningún responsable político se lle ocorrería facer unha obra sen o informe vinculante da administración correspondente, os grupos da oposición poden dicirnos a que instancias podemos enviar o expediente para que se aclaren as responsabilidades que haxa que aclarar. Sería bo que nos digan a que instancias podemos mandar este follón que eles montaron e do que soamente eles son os responsables ”.
O alcalde burelés considera que “a situación é moi preocupante, porque se investiron tinta mil euros de diñeiro público sen ningún tipo de garantía, como estamos vendo. O Concello exponse a que haxa que demoler a instalación, e aló irían os trinta mil euros, ou a unha multa. En todo caso, e de ser así, pedirémoslle ós membros do bipartito que abonen eles do seu peto particular os cartos necesarios, dado que os veciños e veciñas de Burela non debemos responder cos cartos de todos das desfeitas destas señoras e destes señores. Este é un exemplo máis de cómo se gastaban os cartos de todos durante o bipartito: fixeron a obra só buscando réditos políticos, pasando por riba da lexislación vixente”.
González Barcia rematou dicindo que “quen non cumpriu a legalidade ou ten algo que ocultar non pode pedirlles ós demais que dean exemplo: as persoas que fixeron esta desfeita son as que agora usan a mentira e a difamación para desgastar ó grupo de goberno do PP. Poden seguir así, non o conseguirán”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
