Despois da xuntanza celebrada pola Asemblea Local Alfoz-Valadouro, chegouse ás seguinte conclusións con respecto á moción de confianza presentada o pasado mércores no Concello do Valadouro:
Fica claro que por parte da alcaldía non se cumpriron as expectativas agardadas pola veciñanza. O rexedor traizoou os veciños ao non avanzar en cuestións cruciais como a creación dun polígono industrial, fomento do emprego para evitar o despoboamento, etc.
Estamos a falar dun alcalde con dedicación exclusiva, apoiado supostamente polo que no vocabulario do PP chaman gobernos amigos, na Xunta e no Estado, e malia todo iso, o concello amosa unha total ausencia de xestión, e de impulso nas cuestións fundamentais, naquelas que comprometen o futuro do benestar da cidadanía.
O BNG está -como sempre- disposto ao diálogo con calquera grupo político, sempre polo ben do concello. Queremos deixar claro que para a nosa asemblea o fundamental non é a persoa que ostente a alcaldía senón as políticas que vai abordar, para o BNG ten a máxima importancia o PROGRAMA e os COMPROMISOS que se asuman para gobernar o municipio, e máis a GARANTÍA de cumprimento.
Temos claro que non é a nosa formación á que lle corresponde iniciar hipotéticos procesos de diálogo ou negociación, pero tamén temos claras as premisas xa expresadas.
O BNG, sen formar parte do goberno local do Valadouro, demostrou o seu compromiso co fomento e benestar dos cidadáns, boa proba é que un dos meirandes investimentos representárono as axudas das áreas da Deputación xestionadas polo BNG: por exemplo os 60.000 € destinados á pista de andadura ecuestre, e en anos anteriores o campo de fútbol 7 de herba artificial, infraestrutura na que a área de deportes da Deputación tamén foi a principal investidora.
ASEMBLEA LOCAL DO BNG ALFOZ-VALADOURO
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
