Ruta dos Portos de Brao dende Tapia

O grupo de Montaña do Club Deportivo “Marqués de Casariego” de Tapia organiza unha nova ruta. Neste caso trátase da Ruta dos Portos de Brao (La Pola de Gordón, León) que se desenvolverá o sábado 6 de abril con saída ás sete e media da mañá dende Tapia. José Luis da Peruyeira será o guía desta ruta de tipo circular de 12 quilómetros de distancia e de dificultade media que comeza na localidade de Cabornera. Subirase ata os portos de Fonfrea, Espinedo, Santa Cruz e ao Pico Feliciano. Despois de dirixirse a Hoz Escura, achegaranse a Paradilla de Gordón e de volta a Cabornera. Os prezos son de 3 euros para os socios colaboradores, 5 para os socios e 12 para os que non o son. Para inscribirse é preciso contactar antes do xoves 4 de abril cos teléfonos: 689 175 515 (José Luis), 659 000 707 (Rafa) ou 608 540 828 (Eva).